Piarres Larzabal
Wikipedia(e)tik
Piarres Larzabal (Azkaine, Lapurdi, 1915eko maiatzaren 5a - Ziburu, Lapurdi, 1988ko urtarrilaren 11) euskal idazlea.
Eduki-taula |
[aldatu] Bizitza
Ziburuko Zokoa auzoko apaiza izan zen urte luzez. Bigarren Mundu Gerra Alemanian, orduko Txekoslovakian eta Polonian izan zuten preso naziek. Gerra amaitu zelarik laster ekin zion Lartzabalek idazle-lanari. Garai haietako aldizkarietan oso ezaguna izatera iritsi zen. Lartzabalek zinez obra luzea du ikerlanetan, azterketa politikoetan, pastoraletan...baina haren izena euskaldunengan berezik ezagutarazi zuena antzerki-ekarria da. Agian, bera baita euskal antzerkigile emankorrena.
[aldatu] Kritika
Lartzabalen obrak ikuslearen entretenigarri izan nahi du. Ardura politikoa ere igartzen da, haatik, haren idazlanetan. Lapurtera atseginean, umore eder askoa dastatzeko aukera bikaina eskaintzen duen obra utzi zuen. Hartzailearen kezketara iristen saiatzen da. Gaien artean pertsonaia historikoen gainean egindakoak gertatzen dira deigarri. Lartzabalek antzerkiaren bidez ikuslearen eskolatze-lan bat edo egin nahi baitu.
[aldatu] Lanak
[aldatu] Antzerkia
- Bordaxuri (1962, Auspoa)
- Etchahun. Sei gertalditako ikusgaitua (1953, Ed. Herria)
- Herriko bozak edo nor alkate (1962, Auspoa)
- Hilla esposatu. Lapurdiko eta Gipuzkoako euskaraz (1965, Auspoa)
- Ibañeta (1968, Egilea editore)
- Ihauteriak (1962, Egilea editore)
- Iru ziren (1962, Auspoa)
- Lartaun. Pastorala antzeko antzerkia (1972)
- Matalas. Hiru ekitalditako antzerkia (1984, E.J. Antzerki)
- Orreaga. Pastorala gisarako ikusgarria (1964, Goiztiri)
- Roxali (1970, Egilea editore)
- Senperen gertatua (1964, Auspoa)