Lucanus
Wikipedia(e)tik
Marco Anneo Lucano K.o. 39. urtean jaio zen Kordoban, gaur egungo Espainian. Aita, Marco Anneo Mela, Marco Anneo Senecaren semea zen eta ondorioz, nobleziako kidea. Ama, Alizia, oratzaile baten alaba zen. Zortzi hilabeterekin, familia guztia Erromara joaten da, non bere bizitzako urte asko pasa zituen eta Seneca anaiak fama handia hartuko zuen.
Poeta hau oso gazte zelarik hasi zen laureatua izaten eta oso adin gutxirekin hil zen baita ere, 26 urterekin, baina hala ere, produzitzek ahalmen berezia zuenez, lan dexente utzi zituen. Guregana Julio Zesarren eta Ponpeioren arteko guda zibilari buruzko epopeia bat bakarrik heldu zaigu, Farsalia izenekoa.
16 urterekin Neron enpereadoreak bere lagun zirkuluan sartu zuen eta 21ekin kuestore izendatu zuen behar baino urte gutxiago eduki arren. Neronen asmoak segituan aldatu ziren ordea eta poetari jendaurrean errezitatzea debekatu zion. Lucanus orduan enperadorea satirizatu eta salatzen zuten lanak ekoizten hasi zen, eta bere aurkako Pisonen konspirazioan parte hartu zuen.
Parte hartu zuten kide batzuen axolagabekeriagatik, konspirazioa ageria geratu zen eta partehartzaileak atxilotuak, Lucanus barne, galdeketa bortitzak jasanez. Heriotza zigorra jasota, hiltzeko modua aukeratzen utzi zioten eta 65 urteko apirilaren 30ean zainak moztu zituen, bere heriotza bera nozitu zuen gudari bati buruzko bertsoak errezitatuz.
