La Oreja de Van Gogh

Wikipedia(e)tik

La Oreja De Van Gogh

Datuak
Jatorria	Donostia
Musika mota	Pop
Urteak	1996 - gaur egun
Diskoetxeak	Sony BMG, Columbia
Webgunea	www.laorejadevangogh.com
Taldekideak
Pablo Benegas Alvaro Fuentes Haritz Garde Xabi San Martin Amaia Montero(1996-2007)

La Oreja de Van Gogh 1996an unibertsitateko lau ikasle batu eta musika taldea sortzea erabaki zutenean Donostian sortutako musika talde bat da.. Gaztelaniaz abesten dute. Dibertsio moduan hasi ziren, beste talde batzuen bertsioak jotzen (U2, Pearl Jam, Nirvana adibidez).

[aldatu] Taldekideak

Hauek dira taldeko kideak:

Pablo Benegas (1976) gitarra
Alvaro Fuentes (1975) baxua
Haritz Garde (1976) bateria
Xabi San Martin (1977) teklatua
Amaia Montero (1976) 2007rarteko ahotsa

[aldatu] Historia

Hasieran taldeak ez zuen abeslaririk. Maketa bat egitea erabaki zutenean, konturatu ziren abeslari bat behar zutela, taldekoen ahotsak ez baitziren oso onak. Pablok Amaia ezagutu zuen afari batean, eta taldeko abeslari izatea proposatu zion. Egun batzuk pasatuta, proba bat egin zuen eta berehala erabaki zuten Amaia taldeko abeslaria izango zela. Horrela hasi zen orain arte La oreja de Van Gogh bezala ezagutu den taldea. Lehenengo kontzertua Donostian eman zuten, “El moro” tabernan, tabernaren jabea Amaiaren laguna zen-eta. Artean taldeak ez zuen izenik, eta “Los sin nombre” bezala aurkeztu ziren. Orduan izen baten beharra ikusi zuten, eta “La oreja de Van Gogh” izena jarri zioten taldeari.

Donostiako V Pop-Rock lehiaketan parte hartu zuten. Horretarako maketa bat grabatu eta epaimahai baten aurrean aurkeztu zuten. Ez zuten saririk lortu, ordea. Hala ere, beraien maketa hainbat irratitan hasi zen entzuten. Hurrengo urteari begira maketa hobe bat hasi ziren prestatzen, eta maketa berri horri esker, Donostiako VI. Pop-Rock lehiaketa irabazi zuten. Sari horrek izugarri lagundu zien, abestiak gehiago hasi ziren-eta entzuten.

Maketa hainbat diskoetxetara bidali zuten, baina ez zuten erantzunik jaso, Sony Music diskoetxetik dei bat jaso zuten arte. Abesti gehiago nahi zituzten entzun, eta beraiek gezurra esan behar izan zuten. Ez zuten abesti gehiagorik, baina baietz esan zuten. Bi astean abesti gehiago sortu behar izan zuten, presaka, lehenbailehen aurkezteko. Emaitza bikaina izan zen, eta bete zuten beraien ametsa. Madrilera joan ziren bere lehenengo diskoa grabatzera. Alejo Stivel izan zen beraien ekoizlea, eta Mikel Erentxun eta Txetxo Bengoetxearen partehartzea izan zuten. Azkenean, 1998ko maiatzaren 18an kaleratu zuten “Dile al sol” diskoa.

Hortik aurrera, La Oreja de Van Gogh taldeak arrakasta izugarria izan du. Lau disko kaleratu ditu, 6 milioi kopia baino gehiago saldu ditu mundu osoan, eta hainbat sari eskuratu ditu. Gainera, ehunka kontzertu eman ditu mundu osoan. 2007ko azaroaren 19an La Oreja de Van Gogh taldeak jakinarazi zuen komunikatu baten bitartez, Amaia Monterok taldea utziko zuela eta bere ibilbidea bakarlari gisa jarraituko zuela. Hala ere, La Oreja de Van Gogh taldeko gainontzeko kideek taldean segitzeko asmoa agertu dute. Halaber, iragarri dute 2008an beste disko bat kaleratuko dutela.

[aldatu] Diskografia

Dile al Sol (1998)

Promozio singleak:
- "El 28" (1998)
- "Soñaré" (1998)
- "Cuéntame Al Oído" (1998)
- "Pesadilla" (1999)
- "Dile Al Sol" (1999)
- "Qué Puedo Pedir" (1999)
- "El Libro" (1999)
- "La Estrella Y La Luna" + Déjate Llevar (1999)
Saltzeko singleak:
- "El 28" -> El 28 + Déjate Llevar
- "Cuéntame al Oído" -> Cuéntame al Oído + El tiempo
- "Dile al Sol" -> Dile al sol + Pesadilla + Déjate Llevar´+ Multimedia Pista
- "El Libro" -> El Libro + Que Puedo Pedir + La estrella y la luna

El viaje de Copperpot (2000)

Promozio singleak:
- "Cuídate" (2000)
- "París" (2000)
- "La Playa"
- "Pop" (2001)
- "Soledad" (2001)
- "Mariposa" (2001)
- "Tu Pelo" (2001)
- "La Chica Del Gorro Azul" (2002)
Saltzeko singleak:
- "Cuídate" -> Cuídate + Mariposa + Los Amantes del Círculo Polar (2000)
- "La Playa" -> La Playa + París + Cuídate + Tic Tac + Multimedia Pista (2001)
- "Soledad" -> Soledad+ Pop`+La Playa + Mariposa + Multimedia Pista (2001)

Lo que te conté mientras te hacías la dormida (2003)

Singleak:
- "Puedes Contar Conmigo"
- "20 De Enero"
- "Rosas"
- "Deseos De Cosas Imposibles"
- "Vestido Azul"
- "Geografía"
- "Historia De Un Sueño"
- "Bonus Track"
Saltzeko singleak:
- "Puedes Contar Conmigo" -> Puedes Contar Conmigo + Coronel + Puedes contar conmigo maketa + bideoa
- "20 de Enero" -> 20 de Enero + Flash
- "Rosas" -> Rosas + Bonustrack Remixes
- "Deseos de Cosas Imposibles" -> Deseos de cosas imposibles
- "Vestido Azul" -> Vestido Azul + París
- "Geografía" -> Geografía + Dernier Rendez-Vous Pablo Villafranca-rekin
- "Bonustrack Remixes" (4 Remix)