Etienne-Louis Boullee
Wikipedia(e)tik
Étienne-Louis Boullée (Paris, 1728 otsailaren 12 − Paris, 1799 otsailaren 4) arkitekto neoklasiko frantziarra zen. Eragin handia izan zuen bere jarduera bisionarioarekin garaiko eta ondorengo arkitektoengan.
Eduki-taula |
[aldatu] Biografia
Parisen jaioa, Jacques-François Blondel, Germain Boffrand eta Jean-Laurent Le Geayren eskutik arkitektura irakaspenak jaso zituen. 1762an izendatu zuten Parisko Académie Royale d'Architectureko kide, eta Prusiako Frederick II.aren arkitekto nagusi bilakatu zen.
[aldatu] Ezaugarriak
1762tik 1778ra arte hainbat etxe pribatu eraiki zituen, gehienak desagertuak dira egun.Irauten dutenetatik esanguratsuenak Hôtel Alexandre eta Hôtel Brunoy dira, biak Parisen. Claude Nicolas Ledouxekin batera frantziar arkitektura neoklasikoan izan den arkitekto eragingarrienetakoa izan zen.
1778 eta 1788 urteen artean teoria lantzen zuen irakasle izan zen École Nationale des Ponts et Chausséesen (Zubi eta Errepide Eskola Nazionala). Garai hartan izan zuen ospe handien. Estilo geometriko abstraktu berezia garatu zuen forma klasikoetan inspiratuta. Bere lanaren ezaugarriak ondokoak dira: beharrezkoak ez diren apaingarrien deuseztapena; forma geometrikoen erabilpena eskala erraldoian; eta elementuen errepikapen luzea
Bere estiloaren adierazpen argiena, Isaac Newtonentzako proposatu zuen Newtonen Zenotafioa da. Honen arabera, 150 m diametrodun esfera baten formakoa izango litzateke. Nahiz eta inoiz eraikia izan ez, bere proposamena esparru akademiko eta profesionalean asko hedatu zen.
[aldatu] Lan garrantzitsuenak
- 1763 : Hôtel Alexandre, Paris
- 1764 : Château de Chaville (eraitsia)
- 1768 : Hôtel de Pernon, (eraitsia)
- 1774-1779: Hôtel Brunoy, Paris
[aldatu] Proiektu garrantzitsuenak
- 1781 : Parisko Operaren berreraiketa.
- 1784 : Newtonen zenotafioa
