Espainiako Futbol Liga Txapelketa

Wikipedia(e)tik

Espainiako Futbol Liga Txapelketa (La Liga) Espainiako futboleko txapelketa garrantzitsuena da. 5 mailaz osaturik dago. Mailarik garrantzitsuena, Lehen Maila da. Azken hau, 20 futbol talde profesionalez osaturik dago eta 1929. urteaz geroztik, urtero jokatzen da iraila eta ekainaren artean. Futbol Profesionaleko Ligak (LFP) antolatzen du. Espainiako Ligaren Lehen Mailan, France Football kirol aldizkari frantsesak ematen duen Urrezko Baloia saridun ugari jokatu dute, besteak beste: Alfredo Di Stefano, Raymond Kopa, Luis Suarez, Johan Cruyff, Hristo Stoitchkov, Ronaldo, Zinedine Zidane, Rivaldo, Luis Figo, Michael Owen, Ronaldinho edo Fabio Cannavaro.

Ligako sailkapen nagusiko lehenengo lau taldeek, Europako Txapeldunen Ligarako sailkatzen dira eta bostgarren eta seigarren sailkatuek berriz, UEFAko Koparako sailkapena lortzen dute. Sailkapeneko azken hirurak, Espainiako Futbol Bigarren Mailara jaisten dira. Izarren Liga ez da Espainian jokatzen den Txapelketa bakarra, izan ere, urtero Espainiako Errege Kopa jokatzen da. Bi txapelketa hauen irabazleen artean, abuztuan, Espainiako Superkopa jokatzen da.

[aldatu] Historia

1929tik, 59 futbol talde ezberdinek parte hartu dute ligan, horietatik 9 taldeek soilik izan dute liga irabazteko aukera:

Real Madrid 30 aldiz
FC Barcelona, 18
Atletico de Madrid, 9
Bilboko Athletic Kluba, 8
Valencia CF, 6
Erreala, 2
Real Betis, Sevilla FC eta Deportivo de la Coruña-k behin.

[aldatu] 2007/2008 denboraldiko Lehen Mailako futbol taldeak

Espainiako Futbol Ligako Lehen Maila
Almeria \| Athletic Club \| Atlético de Madrid \| Bartzelona \| Betis \| Deportivo \| Espanyol \| Getafe \| Levante \| Mallorca \| Murtzia Osasuna \| Racing de Santander \| Real Madril \| Recreativo de Huelva \| Sevilla \| Valentzia \| Valladolid \| Vila-real \| Zaragoza