Bronkitis kroniko
Wikipedia(e)tik
-
Oharra: Wikipediak ez du aholku medikorik ematen. Tratamendua behar duzula uste baduzu, jo sendagilearengana.
Bronkitis kronikoa edo B.K. Biriketako Gaixotasun Butxatzaile Kronikoaren (BGBK) mota bietako bat da, enfisemarekin batera. Arnas-gaixotasun kroniko eta butxatzailea da, beraz.
Eritasuna definitzeko irizpide klinikoak erabiltzen dira, anamnesiaren araberakoak alegia. Tabakismoa da bere eragilerik nagusia.
Eduki-taula |
[aldatu] Sintomak
Bronkitis kronikoa definitzen da klinikoki eztula eta espektorazioa daudenean urtean 3 hilabete baino gehiagotan, bi urtez edo gehiagoz jarraian, beste kausa batzuk baztertuta.
[aldatu] Zeinuak
Miaketa fisikoan, klasikoki deskribatu dira B.K.-ren pazienteak "blue bloater" ingelesezko hitzekin, "urdin puztua" esan nahi duena, zianosi eta loditasunagatik. Paziente hauek normalean itxuraz baxuak eta lodiak dira.
Auskultazioan, butxadurak eragindako hotsak entzuten dira normalean: Txistu-hotsak, korrokak eta isiltasuna.
[aldatu] Diagnostikoa
Proba osagarri nagusia espirometria da, non ikusten baita biriketako gaitasuna. Butxaduraren indikatzailea FEV1 (Forced Expiratory Volume in 1 Second) da. Honen arabera larritasunaren hiru maila daude:
1. B.K. arina: FEV1 %60-80a.
2. B.K. ertaina: FEV1 %40-60a.
3. B.K. larria: FEV1 <%40a.
Erradiografietan ez da gauza berezirik ikusten normalean.
Proba analitikoetan, azkenik, oxigenoaren murrizketa eta azido karbonikoaren igoera ikus ditzakegu kasu larriengan, enfisemadunengan baino gehiagotan.
[aldatu] Gaixotasun antzekoak
Asmarekin nahasten da askotan gaixotasun hau.
[aldatu] Tratamendua
- Erretzeari utzi.
- Inhalagailuak.
- Kortikoideak.
- Antibiotikoak.
- Errehabilitazioa.
- Oxigenoa: Kasu larri eta aurreratuengan, arnas-gutxiegitasuna dagoenean.