Amets Arzallus
Wikipedia(e)tik
Amets Arzallus Antia (Hendaia, Lapurdi, 1983ko azaroaren 9a. Bertsolaria, kazetaria eta bertso irakaslea da.
[aldatu] Biografia
Jexux Arzallus bertsolari ezagunaren semea, Donibane Lohitzunen jaioa baina txikitatik Hendaian bizi da. Aitaren eta familiaren eraginez, txikitan hasi zen bertsotan, baita kirolean ere (futbola eta pilota ditu gustoko, besteak beste). Hendaia eta Kanboko ikastoletan eta Baionako lizeoan aritu ondoren kazetaritza ikasi zuen EHUn. Egun Argian lan egiten du, baita Euskadi Irratian eta Hendaiako bertso eskolan ere.
[aldatu] Bertsolaritza
Lehen plaza Beasainen egin zuen 1992ko Gipuzkoako Eskolarteko txapelketan. Bertan lagun izan zituen Sustrai Colina adiskidea eta Miren Arzallus arreba.
Eskolarteko txapelketetan emaitza oparoak izan zituen. Ordutik aurrera nagusien mailatan dabil, 2000ko Nafarroako txapelketan txapeldun izan zen besteak beste. Orain arteko bere emaitzarik onena 2005eko Euskal Herriko Bertsolari Txapelketa Nagusian lortu zuen (finalera heldu baitzen bertan).
[aldatu] Kanpo Loturak
- http://www.argia.com/argia-astekaria/egileak/amets-arzallus Amets Arzallusen artikuluak Argian
