Piâsa céca (Rèz)
Da Wikipedia.
Artécol in dialèt arzân 
Piâsa céca, ciamêda anca Piâsa Sân Prôsper (Piazza San Prospero in Italiân), l'é na piâsa ed Rèz.
La piâsa la tôṣ al nòm da la Baṣelica cun al ‘stès nòm e l’é òna dal piâsi pió impurtânti ed la sitê. L’é coleghêda da ‘na strêda purtghêda (al Brulèt) a la piâsa grânda, osèja la piâsa dal Dôm. La piâsa la gh’à la fōrma fâta quêṣi a retângol cun trî fiânch purtdghê. Ind al fiânch che gh’ armâgn a gh’é la cēṣa ed Sân Prôsper cun la tòra ‘d ôt lê. A guardê da la pêrt ed frûnt a la cēṣa a’s vèden l’ âbsida e la cópla dal Dôm.La piâsa la gh’à cme carateréstica la preṣèinsa ed 6 stâtvi ed leòun in mêlmer ròs inséma al sagrê ed la baṣélica dal 1503 fât dal scultōr arzân Gaspare Bigi.
Ind la piâsa a gh’é, dō vōlti a la stmâna (venerdé e martedé) al marchê ed la sitê.
