Castē ed la pruvîncia ed Rèz

Da Wikipedia.

Ind la pruvîncia ed Rèz, sìa in pianûra che ind Apenèin arzân, în preşèin in dimòndi castē a testimuniânsa ed l'impurtânsa ed la zôna in etê medievêl.

Indice 1 Zôna apenénica 1.1 Caraterésticchi architetònichi 2 Castē 3 Materiêl pr'andêregh in fònda

[modifica] Zôna apenénica

[modifica] Caraterésticchi architetònichi

Da un pûnt ed vésta ed la sistemasiòun al carateréstich castèl apenénich l'é despès difèiş da pió gîr ed mûri merlêdi (ed sōlit trèi) rinfursêdi da tòr e rivalèin. Pôrti e al pôrti cèchi dal drêda dal castèl (postierle) a mèten in comunicasiòun i prém mûr cun còl più intêren pió êlt, dōve gh'é la cà dal sgnôr, cun d' j'-ambiĵnt stréch e pôch inluminê da archêri ch' es arvésen ind i mûr ed grând e-spesōr. Ind al mûri intêrni 's câta al curtîl e, in un agôl, as pōl catêr la tòra grânda, ûltma difèiṣa dal castèl (cme al Castèl ed Carpnèida, Canòsa, Dinasân); a vôlti a dà int al curtîl ânca 'na cēṣa cèca per l'ûṣ dal castelân (Carpnèida).

Per rivêr al curtîl intêren as và só per un sintêr che al pōlen fêr ânca dal bèsti, al quacê da i pusèbil côlp di nemîgh; arivê int al curtîl a gh'é j-êlbi pr' i cavâj in prêda, piantê in tèra (Castèl ed Canòsa).

Dimòndi tòri cèchi (guardiôli) pr’ al sentinèli în stremnêdi inséma al mûri. Ind i pē dal tòri principêli a gh’êren al perṣòun stréchi e scûri. (Canòsa, Carpnèida). Al materiêl druvê per còsti costrusiòun l’é la prêda da tàj; i mûr a gh’àn un grôs spesōr, în tót pîn, cun lêregh berbacân e piantê in môd rubóst ind la rôcia.

[modifica] Castē

• Castèl 'd Albinèa
• Castèl ed Canòsa
• Castèl ed Carpnèida,
• Castèl ed Casalgrând
• Castèl ed Rusèina
• Castèl ed Sarzân
• Salâm ed Flèina
• Tòr ed Rusnèla

[modifica] Materiêl pr'andêregh in fònda