Тренкасси
Википедири материал
Тренкасси — Чăваш Енĕн Шупашкар районĕнчи ял.
Ялта 103 çын пурăнать (2008) [1]. Икĕ урам. Шĕнерпуç ял тăрăхне кĕрет.
Тупмалли |
[тӳрлет] Сăмах пĕлтерĕшĕ
Тренкасси ялне Хыркасси ялĕ çывăхĕнчи Кивçурт Çырми ялĕнчен куçса килнĕ Тренкки (Терентий) ятлă çын пуçласа янă. Ял 18 ĕмĕр вĕçнелле кăна пуçланса кайнă. Унпа юнашар Явăш ятлă çын килсе ларнă. Пурăна киле икĕ ял пĕрлешсе кайнă та хальхи Тренкасси пулса тăнă.
Тренкки (Терентий) – вырăс ячĕ, апла пулсан ял чăвашсене тĕне кĕртсен кăна пуçланса кайма пултарнă.
Авалхи документсенче Тренкасси ялне тĕрлĕ ятсемпе çырса хăварнă, Хыркасси, Чăрăшкасси, Явăш тенисем тĕл пулаççĕ. Анă, тĕслĕхрен, 1859 çулхи перепись материалĕсенче Шемшер вулăсĕнче, Йĕршшу çумĕнче, Явăш («Яушева при рч. Рыкше»; 66 хуçалăх, 208 арçын, 228 хĕр-арăм) ятлă ял пур, Тренкасси çук; 1897 çулхи перепись материалĕсенче вара Тренкасси (Трень-Касы) пур, Явăш çук. Халăх ахаль халапламасть иккен, халапсенче тĕл пулакан хыпар-хăнара, лайăх шырасан, авалхи документсенче те тупма пулать иккен. Çаксене шута илсен, Тренкасси ял ятне пĕр иккĕленмесĕрех «Трен(кки) ятлă çын никĕсленĕ касă» тесе ăнлантармалла.[2]
[тӳрлет] Путин килни
2008 çулхи авăн 12-мĕшĕнче Раççей Президенчĕ Владимир Путин Тренкасси ялĕнче пулса курчĕ.
[тӳрлет] Çăлкуç
[тӳрлет] Каçăсем
- В.Путин: «Чăвашла вĕренĕттĕм!» — «Сувар» хаçатри статья.
