Мулюков Геннадий Фёдорович
Википедири материал
Мулюков Геннадий Фёдорович, — краевед, вĕрентекен. 1926 çулхи чӳк уйăхĕн 30-мĕшĕнче Чăваш Енĕн Патăрьел районĕнчи Тури Туçа ялĕнче çуралнă.
Халăх çутта кăларас ĕçĕн отличникĕ. 1971 çулта Чăваш АССРĕн тава тивĕслĕ верентекенĕ ятне тивĕçнĕ. Çавăн пекех Чăваш АССРĕн тава тивĕçлĕ ял хуçалăх ĕçченĕ ятне тивĕçнĕ. «Хисеп палли» орденне те тивĕçнĕ. Тăватă хут ăна Чăваш АССРĕн Аслă Канаш Президиумĕн Хисеп грамотине панă.
[тӳрлет] Пурнăçĕ
Канашри вĕрентекенсен училищине, кайран кĕретсĕр Чăваш педагогика институтне вĕренсе пĕтернĕ. Тăван Çĕршывăн Аслă вăрçине хутшăннă. Унта Инçет Хĕвелтухăçра Япони çарĕсемпе кĕрешнĕ.
Ĕç çулĕ: Чкалов ячĕллĕ колхоз счетовочĕ, 1954-1959 — Тури Туçа ватам шкулĕн верентекенĕ, 1959-1964 — «Гвардеец» колхозăн партком секретарĕ, 1964 çултанпа Тури Туçа вăтам шкул директорĕ. 1973 çулта «Гвардеец» колхозăн предсадателĕ вырăнне суйласа илнĕ. Вал вырăнта вăл 1985 çулчен ĕçленĕ.
[тӳрлет] Ĕçĕсем
Краеведенипе питĕ вăйлă кăсăкланать. Нумай çул хушши Гвардеец колхоза малтан кĕнĕ ялсен историне тĕпченĕ. Тĕпченĕ ĕçĕсем çак кĕнекесенче çутă курнă:
- «Ордена Ленина Колхоз «Гвардеец»;
- «Откуда мы» (Ăçтан эпир?);
- «Книга памяти колхоза «Гвардеец» («Гвардеец» колхозăн астăвăм кĕнеки);
- «Пирĕн ял»;
- «Дела и люди «Гвардейца» («Гвардеецăн» ĕçĕсемпе çыннисем);
- тата ыттисем