Rehiyon (Pransiya)

Gikan sa Wikipedia, ang gawasnong ensayklopedya


Kining maong artikulo kabahin sa serye sa mga dibisyon sa pagdumala sa Pransiya
Prinsipal nga artikulo
Mga rehiyon Mga rehiyon gawas sa nasod
Mga departamento Mga departamento gawas sa nasod
Mga arrondissement
Mga kanton
Mga pundok sa mga komyun Katilingbang urban Aglomerasyon sa mga katilingban Katilingban sa mga komyun
Mga komyun Associated communes Municipal arrondissements
Mga dapit sa Pransiya gawas sa Uropa Gawas sa nasod nga kolektibad Sui generis nga kolektibad Nasod gawas sa nasod Teritoryo sa gawas Pulo sa Clipperton

Ang rehiyon (Prinanses: régions) usa ka dibisyon sa pagdumala sa Pransiya. Ang nasod gibahin ngadto sa 26 ka mga rehiyon . Kawhaag usa (21) niini nahimutang sa Metropolitan nga Pransiya. Upat anaa sa mga teritoryo sa nasod gawas sa metropolitan. Ang laing usa (Corsica) anaa usab sa metropolitan nga langyab, apan sa teknikal nga pagkasulti dili kini usa ka rehiyon apan usa ka "kolektibong teritoryo". Hinuon sa ordinaryong tawo ang Corsica giilang usa ka rehiyon, ug niining artikulo giihap kini isip usa sa mga rehiyon sa Pransiya.

Ang mga rehiyon sa metropolitan nga Pransiya gibahin ngadto sa 2 ngadto 8 ka mga departamento samtang ang atua sa gawas sa nasod may usa ka departamento matag usa.

Mga sulod

1 Heneral nga mga karakteristik
2 Papel
3 Talaan sa mga rehiyon
- 3.1 Mga rehiyon sa metropolitan
- 3.2 Mga rehiyon sa gawas sa nasod
4 Tan-awa usab
5 Mga sumpay sa gawas

[usba] Heneral nga mga karakteristik

Sa kontinental nga Pransiya (ang metropolitan nga Pransiya gawas sa Corsica) ang medyan nga langyab sa yuta sa usa ka rehiyon 25,809 km² (9,965 milya kwadrado), nga usa sa ikalima (1/5) sa medyan nga langyab sa yuta sa usa ka estado sa Estados Unidos, apan 28% nga mas dako sa medyan nga langyab sa yuta sa usa ka estado sa Alemanya ug 67% nga mas dako sa medyan nga langyab sa yuta sa usa ka rehiyon sa Inglatera.

Sa tuig 2004, ang medyan nga populasyon sa usa ka rehiyon sa kontinental nga Pransiya 2,329,000, mas daghan kaysa sa katunga sa medyan sa populasyon sa usa ka estado sa U.S., tulo sa ikaupat (3/4) sa medyan nga populasyon sa usa ka estado sa Alemanya, ug hapit motunga sa medyan nga populasyon sa usa ka rehiyon sa Inglatera.

Ang medyan nga rehiyon sa kontinental nga Pransiya gitibuok sa upat ka mga departamento.

[usba] Papel

Ang mga rehiyon walay lehislatibong awtonomiya, ug dili usab sila makapagawas og mga regulasyon. Apan sila ang mangolekta sa buhis ug makadawat og gamayng bahin niini gikan sa nasodnong pangagamhanan. May dako usab sila nga badyet nga gidumala sa rehiyonal nga asembliya. Ang rehiyonal nga asembliya gitibuok sa mga representante gikan sa mga departamento ug sa mga dagkong komyun.

Ang ilang legal nga trabaho mao ang paghimo og mga tulunghaan ug pagbayad sa mga ekipiho niini. Niadtong Marso 2004, ang nasodnong pangagamhanan sa Pransiya misugyot nga ibalhin ngadto sa mga rehiyon ang pipila ka mga klase sa wa-magtudlo nga mge empleyado sa mga tulunghaan. Ang mga kritiko sa maong plano miingon nga kadudahan kon may igo bang kwarta nga ibalhin sa nasodnong pangagamhanan ngadto sa mga rehiyon alang sa panuweldo sa maong mga empleyado.

Gawas niining legal nga atribusyon, ang mga rehiyon duna usay papel sa pagbuot unsaon paggasto sa kwarta alang sa imprastraktura. Tungod niini, ang pagka presidente sa usa ka datong rehiyon sama sa Île-de-France o di ba kaha Rhône-Alpes mahimong usa ka high profile nga posisyon.