Talbenn ar bobl
Diwar Wikipedia, an holloueziadur digor
Talbenn ar Bobl zo ur gouarnamant gant strolladoù an tu-kleiz kevredet, an SFIO, ar PCF, hag ar Strollad radikal-sokialour, a c'houarnas Bro-C'hall etre 1936 ha 1938.
Taolenn |
[kemmañ] Trec'h an Tu-kleiz
Goude votadegoù miz Ebrel ha miz Mae 1936 e teuas an trec'h gant Talbenn ar bobl (F.P.). Dont a reas neuze an S.F.I.O. da vezañ an hini kentañ eus strolladoù politikel Bro-C'hall. Koll a reas ar Radikaled kalz ul lodenn eus o dilennerien tra ma c'houneze ar gomunourien kalz mouezhioù. D'ar 6 a viz Mezheven e lakaas Leon Blum war droad ur gouarnamant a gemeras perzh ennañ ar sokialourien hag ar Radikaled. A-du e voe ar Gomunourien evit harpañ ar gouarnamant nevez met nac'h a rejont e vije dibabet maodierned en o zouez.
[kemmañ] Emglevioù Matignon
Kerkent hag embannet trec'h Talbenn ar bobl e savas, eus o fennoù o-unan, dre-holl er vro, ur bern micherourien evit dilezel o labour. War-dro daou vilion a harzerien-labour a zalc'has o labouradegoù dindan o beli. Alies a-walc'h e veze graet en un aergelc'h laouen. Echuiñ a reas an emzivizoù renet gant Leon Blum etre ar batromelezh hag ar sindikadoù gant emglevioù Matignon sinet e-kreiz an noz etre ar 7 hag an 8 a viz Even. Kresket e oa ar goproù hag asantiñ a reas an implijourien anavezout ar sindikadoù. Da c'houde e voe votet lezennoù sokial: pemzektez a ehan-labour gopret, ar sizhun a zaou-ugent eurvezh labour, hag emglevioù-micher.
Krediñ a raed e teuje al lezennoù-mañ a-benn da lakaat un termen d'an enkadenn. Evit ar wezh kentañ e istor o bro e c'halle ar C'hallaoued kemer un nebeud devezhioù vakansoù.
[kemmañ] An armerzh
Krouet e voe un "Office du blé", da lavarout eo ur c'huzul karget da zivizout, pep bloaz, petra e vefe, evit ar bloaz da zont, priz izelañ ar gwinizh. Broadelet e voe an industriezh aer-spas ha bank Bro-C'hall.
[kemmañ] Levrlennadur
- Testenioù
- Daniel Guérin, Front populaire, révolution manquée, Julliard, 1963
- Jules Moch, Une si longue vie, éd. Robert Laffont, 1976
[kemmañ] Filmoù
- La Belle équipe gant Julien Duvivier
- La Marseillaise gant Jean Renoir
- La vie est à nous (1936) gant Jean Renoir
