Jakez

Diwar Wikipedia, an holloueziadur digor

Jakez zo un anv-badez brezhonek, deuet eus ar Bibl, diwar anv unan eus an Daouzek Abostol. Un adstumm d'an anv Jakob eo, a orin hebreek.

Taolenn 1 Ster hag orin an anv 2 Stummoù brezhonek all 3 Implij 4 Stummoù er yezhoù all 5 Eil anv-badez 6 Anvioù-tud 6.1 Sent 6.2 Bretoned 6.3 Rouaned 6.4 Eskibien 7 Anvioù lec'hioù 8 Traoù all 9 Notennoù

[kemmañ] Ster hag orin an anv

Evel Jakob e teu Jakez eus an hebraeg. Hep mar e teufe an anv hebraek "Ya'aqob" eus "Ya' Aqobel"^[1] a dalveze "Gwarezet gant Doue" moarvat er yezhoù mezopotamek. En Testamant Kozh e lenner div zisplegadenn eus anv Jakob a denn kentoc'h d'ar c'hoarioù-gerioù pe d'un displegadenn boblek eus e ster^[2]. Da gentañ e tispleger e anv gant ar ger hebraek "aqeb" a dalveze seul an troad^[3] : ganet e vije bet Jacob, peg dre un dorn e seul e vreur Esau. En un arroudenn all eus an destenn-se^[4] e tostaer e anv ouzh ar verb 'aqab, distroadañ, un damveneg eus ar skudellad fer a dalvezas da Jakob evit kemer e henanded digant Esau.

Er Bibl e teuas da vezañ IACOBOS e gresianeg. Latinekaet eo bet e Jacobus goude. Meur a anv zo deveret diouzh an anv latin e yezhoù disheñvel (Gwelet izeloc'h).

Brudet eo bet an anv-se gant an ozhac’h-meur Jakob ha gant an holl sent kristen anvet Jakez.

[kemmañ] Stummoù brezhonek all

• Jalm, pe Chalm, a gaver ivez evel anv-tiegezh.
  • Jakig a gaver evel stumm bihanaat, e-kichen Jakezig
  • Jakou, evel er ganouenn Marijanig Lagadbran.

• Jakeza ha Jaketa evit ar merc'hed, hag ivez Jakelina, diwar ar stumm gallek.

[kemmañ] Implij

Ral e seblant bezañ evel anv-badez gwir, peuvuiañ ne vez nemet troidigezh an anv galleg Jacques, evel gant ar skrivagnerien Jakez Riou pe Jakez Kerrien, pe gant sonerien e Breizh.

Gallout a reer kavout anvioù tud brudet eus Breizh hag eus lec'h all war bajenn

• Implijet e vez ivez e brezhoneg
  • evit treiñ anvioù rouanez Bro-Skos, Bro-Saoz, Aragon, anavezet en o bro evel James pe Jaime.

[kemmañ] Stummoù er yezhoù all

• Alamaneg : Jakob
• Arabeg : Yacoub
• Daneg : Jakob ha Jacob
• Finneg : Jaakob
• Galleg : Jacques, Jacob, ha berranvioù deveret.
• Hebraeg : Yakov
• Hungareg : Jakab
• Italianeg : Giacobbe ha Giacomo
• Kastilhaneg : Jacobo, Jaime, Diego ha Iago (alese Sant Iago, ha dre vesk Santiago).
• Katalaneg : Jaume
• Korseg : Giacumu.
• Nederlandeg : Jacob, Jakob, Jaap, Kobus, Jaak, Koos
• Okitaneg : Jacme ha Jaume
• Poloneg : Jakub ha Kuba, ha Kubuś
• Portugaleg : Jacó, Jaime, Diogo, Iago ha Tiago, evel e kastilhaneg.
• Rusianeg : Яков (Yakov)
• Saozneg : Jacob, James, Jake, Jack

[kemmañ] Eil anv-badez

Kavet e vez ivez an anv evel eil anv-badez, dreist-holl Yann-Jakez, Per-Jakez.

[kemmañ] Anvioù-tud

[kemmañ] Sent

• Jakez, mab Zebede, pe Jakez ar C'hoshañ, unan eus an ebestel
• Jakez, mab Alfe, pe Jakez ar Yaouankañ, kenderv da Jezuz, unan eus an ebestel.

[kemmañ] Bretoned

• Jakez Karter
• Jakez Konan
• Jakez Riou
• Per-Jakez Heliaz
• Jakez Kroc'hen

Gwelout ar pennad Jacques ivez.

[kemmañ] Rouaned

• Jakez Iañ (pajenn digejañ), anv tri roue
• Jakez II (pajenn digejañ), anv tri roue,
• Jakez III (pajenn digejañ)
• Jakez IV, roue Bro-Skos
• Jakez V, roue Bro-Skos
• Jakez VI, roue Bro-Skos pe Jakez, roue Iañ Bro-Saoz
• Jakez VII, roue Bro-Skos pe Jakez II, roue Bro-Saoz

[kemmañ] Eskibien

• Jakez Voragine, arc’heskob Genoa, skrivagner al levr anvet Ar vojenn alaouret.
• Jakez Amboise (relijiuz)

[kemmañ] Anvioù lec'hioù

• Meur a Sant-Jakez zo e Breizh.
• Sant-Jakez an Turki a vez graet eus kêr Santiago de Compostela er c'hanaouennoù hengounel

[kemmañ] Traoù all

• Hent Sant-Jakez.
• Kregin Sant Jakez

[kemmañ] Notennoù

1. ↑ E. RENAN, "Les noms théophores apocopés dans les anciennes langues sémitiques", Revue des Études Juives X, 1882, p.162, meneget e : CYRIL ASLANOV "Entre théonymie et anthroponymie : l'onomastique divine et humaine, indice de la confusion entre transcendance et immanence
2. ↑ http://www.interbible.org/interBible/decouverte/comprendre/2003/clb_031010.htm
3. ↑ Geneliezh 25, 26.
4. ↑ Geneliezh 27, 36.