Distrig kevredadel
Diwar Wikipedia, an holloueziadur digor
Un distrig kevredadel zo ur rann eus ur reizhiad gouarnamant kevredadel. Alies ne vez ket an distrig-se e-touez isrannoù melestradurel boutin ar broioù, ha ne zlefe ket bezañ mesket gante, met ur rann velestradurel a-ziforc'h zo war-eeun dindan renerezh ar gouarnamant kevredadel.
Taolenn |
[kemmañ] Stadoù-Unanet
Emañ sez gouarnamant kevredadel amerikan en un distrig kevredadel anvet Distrig Columbia (District of Columbia, e saozneg). En tu all da se ez eus meur a seurt distrig kevredadel all dindan gouarnamant SUA ha n'int ket stag ouzh bezañs ur gêrbenn :
- Ar reizhiad lezioù-barn kevredadel a rann pep Stad, mui distrigoù Columbia ha Puerto Rico, e meur a zistrig kevredadel justis. Kavout a reer enne pep a lez-varn distrig eus ar Stadoù-Unanet hag a lez eus ar Stadoù-Unanet evit ar freuzioù-stal.
- Bank Kreiz ar Stadoù-Unanet, ar mirlec'h kevredadel, zo anezhañ daouzek bank en holl ar vro ; pep hini eus ar bankoù-se a ra war-dro un distrig eus ar mirlec'h kevedadel.
[kemmañ] Malaysia
E Malaysia e vez implijet an anv "tiriegezh kevredadel" (Malayeg : Wilayah Persekutuan) evit an teir rannvro lakaet war-eeun dindan renerezh ar gouarnamant kevredadel : Kuala Lumpur (kêrbenn ar Stad), Putrajaya (kreizenn velestradurel ar gouarnamant kevredadel) hag Enez Labuan (kreizenn arc'hanterezh offshore etrebroadel).
[kemmañ] Amerika ar C'hreisteiz
Pa gomzer eus distrig kevredadel (Distrito Federal) e spagnoleg ha portugaleg) e vez anv
- pe eus distrig kevredadel Arc'hantina (hiziv kêr emren Buenos Aires)
- pe eus distrig kevredadel Brazil
- pe eus distrig kevredadel Mec'hiko
- pe eus distrig kevredadel Venezuela
N'eus nemet unan e pep bro.
[kemmañ] Liammoù diavaez
- Distrito federal Arc'hantina: ar bajenn-mañ
