Banniel Montenegro

Diwar Wikipedia, an holloueziadur digor

Banniel Montenegro a zo bet cheñchet d'an 12 a viz Gouhere 2004 gant Parlamant ar vro. Deuet eo da vezañ ur banniel ruz, gant ur bordeür aour, en e greiz ardamezioù ar vro bet degemeret e 1993.
An ardamezioù-se a zo diazezet war re ar roue Nikola. Lezet eo bet a-gostez avat e bennlizherennoù NI (e lizherennoù kirillek).
Kenfeur ar banniel a zo 1:2.

[kemmañ] Bannieloù kozh

Heñvel e oa ouzh hini Serbia adalek 1945 betek 1993, betek ma oa bet cheñchet arliv ar glas evit unan sklaeroc'h, heñvel ouzh unan hengounel implijet er vro, war ar gwiskamantoù paneveken, hag ar c'henfeur 1:3 e-lec'h 1:2.

Betek 1992 e oa Montenegro ul lodenn eus Republik Kevreadus Sokialour Yougoslavia. Ur steredenn ruz a oa en e greiz. Heñvel-mik e oa ouzh hini Serbia ar mare. Kenfeur 2:3.

Bannieloù kozh Montenegro a oa diazezet war an triliv a-blaen ruz-glas-gwenn (arouez unanded etre ar Slaved, an arliv sklaer eus ar glas a oa hini ar gwiskamantoù hengounel).