Arouezioù LGBT

Diwar Wikipedia, an holloueziadur digor

Tabut termenadurezh Implijet e vez nevezc'herioù er pennad-mañ bet krouet a-ratozh. Peuliesañ ne vezont ket kavet er geriadurioù pe evit abegoù teknikel resis ne glot ket an termenoù-se dre ret gant an termenoù boutin..)

Amañ da heul e vez kinniget ur roll eus an aroueziañ muiañ-implijet evit ober dave d'an dud LGBT (Lesbianel, Gae, Divrevel ha Treuzrevel) gante o-unan.

Taolenn 1 Tric'hornioù du ha roz 2 Lambda 3 Banniel kanevedenn 4 Kelc'hioù ar frankiz 5 Ar vouc'hal daoubennek 6 Arouezioù an divrevelezh 7 Arouezioù an dreuzrevelezh 8 Banniel ar BDSM 9 Arouezoù nebeutoc'h implijet all 10 Gwelet ivez 11 Liammoù diavaez

[kemmañ] Tric'hornioù du ha roz

Gwelet ar pennad pennañ-mañ

Dont a ra an daou arouez zo eus ar merkoù e veze rediet da gwiskañ kement an baotred heñvelrevel (Tric'horn roz) hag ar maouezed "enep-sokial", en o zouez al lesbianed (Tric'horn du).

[kemmañ] Lambda

E 1970 e oa bet dibabet al lizherenn c'hresianek lambda evel ur c'hampagn bet lañset gant Krevredad an Emsaverion C'hae (Gay Activists Alliance) o stourm evit frankiz ar re c'hae. Pevar bloaz war-lerc'h e oa bet dibabet en-dro evel arouez ar C'hendalc'h Etrebroadel evit Gwirioù ar re C'hae (International Gay Rights Congress) dalc'het e Din-Edin (Bro-Skos). Peurliesañ e vez livet al lizherenn gant al liv roz pe limestra.

[kemmañ] Banniel kanevedenn

Gwelet ar pennad pennañ-mañ Gant Gilbert Baker e oa bet krouet ar banniel kanevedenn a-ratozh e 1978 evit Dibunadeg Frankiz Gae San Francisco.

[kemmañ] Kelc'hioù ar frankiz

Krouet e oa bet kelc'hioù ar frankiz gant David Spada. Graet int gant aluminiom ha gwisket evel troioù-gouzoug, gwalennoù, troioù-brec'h hag all.

[kemmañ] Ar vouc'hal daoubennek

Hervez ar vitologiezh c'hresian e veze liammet ar vouc'hal daoubennek ouzh an doueez Demeter (pe Artemis hervez ar vitologiezh roman). Sañset e veze graet lidoù gant darempredoù reizhel etre maouezed evit kanañ meuleudi an doueez-se. Hervez ar mojennoù e veze implijet ivez gant kadourezed Scythian hag a rene warne div rouanez war un dro. Arouez al lesbianelezh emren an hini eo.

[kemmañ] Arouezioù an divrevelezh

Gwelet pennad pennañ

Krouet e oa bet banniel an divrevelezh gant Michael Page e 1998 diwar skwer banniel an heñvelrevelezh.

[kemmañ] Arouezioù an dreuzrevelezh

Gwelet ar pennad pennañ-mañ

Krouet e oa bet banniel an dreuzreviadezh gant Monica Helms evit un dibunadeg lorc'h gae er Stadoù-Unanet e 2000.

[kemmañ] Banniel ar BDSM

Gwelet ar pennad pennañ-mañ

Krouet e oa bet e er bloavezhioù 1980 gant Tony DeBlase ur banniel ispisial anvet Leather pride flag ("Banniel al Lorc'h Lêr") e saozneg evit an heñvelrevourion/ezed hag an arallrevourion/ezed hag a blij dezhe ar BDSM ((Hualelezh-sentelezh, Mestronelezh-sujelezh, Sadelezh-mazoc'helezh, diverradur diwar ar saozneg: Bondage-Discipline, Domination-Submission ha Sadism-Masochism).

[kemmañ] Arouezoù nebeutoc'h implijet all

Treuzrevelezh

Treuzrevelezh

Treuzrevelezh

Divrevelezh

Hollrevelezh

Ouzhpenn an arouezioù brudet-se e vez implijet meur a arouez all alies pe aliesoc'h, da skwer:.

Implijet e vez alies arouez an Aozadur Etrebroadel evit an Deskoni Revel (International Foundation for Gender Education (IFGE) [1] - e-krec'h a-gliez) evel arouez an dreuzrevelezh pe c'hoazh ur valafenn pe ur yin ha yang livet e roz ha glas sklaer;

E Henroma hag ivez er Breizh-Veur en XIXvet kantved e veze implijet al liv gwer evit ober dave d'an heñvelrevelezh;

Abaoe ar 1añ kantved eo bet implijet ar bleiz-broc'h, ar c'had hag ar gaerell evel arouezioù an heñvelrevourion;

Talvezout a rae ivez ar feniks da arouez an heñvelrevourion dre ma tiskwele penaos e "adc'hane" ar c'halc'h bewech ma veze entanet.

[kemmañ] Gwelet ivez

• Banniel an divrevelezh
• Banniel an arallrevelezh
• Banniel an heñvelrevelezh
• Banniel an dreuzrevelezh
• Banniel an hollrevelezh
• Tric'hornioù roz ha du

[kemmañ] Liammoù diavaez

• [2]