Java

З Вікіпедыя.

Java (Джава) - гэта аб'ектна-арыентаваная мова праграмавання, распрацаваная карпарацыяй Sun Microsystems у пачатку 1990-ых гг. Праграмы, напісаныя на Java, звычайна кампілююцца ў байткод, які пазней пры патрэбе пераўтвараецца ў машынны код у часе выканання.

Мова шмат у чым спадкаеміць ад сваіх папярэднікаў C і C++, але вылучаецца прасцейшаю рэалізацыяю аб'ектаў і меншай колькасцю механізмаў нізкага ўзроўню. JavaScript (скрыптавая мова) мае падобны сінтаксіс, але не мае дачынення да Java.

На цяперашні час Sun Microsystems пастаўляе GPL-рэалізацыю кампілятара і віртуальнай машыны Java.

[правіць] Гісторыя

Java з'явілася вынікам працы спецыяліста з карпарацыі Sun Microsystems Джэймса Гослінга над праектам "Oak" (Дуб) у чэрвені 1991. Гослінг мэтай сваёй працы паставіў распрацоўку віртуальнай машыны і мовы праграмавання для яе, з сінтаксісам і прынцыпамі, падобнымі да C/C++. Першая версія мовы Java 1.0 з'явілася ў 1995 г. Галоўным прынцыпам гэтага праекту стаў лозунг "Write Once, Run Anywhere" (WORA), што ў перакладзе на беларускую мову гучыць як "Напісаў аднойчы, працуе ўсюды", што абяцала гарантыю нармальнай работы аднаго і таго ж коду на любых падтрымліваемых платформах. Віртуальная машына забяспечвала даволі высокі ўзровень бяспекі (магчымасць абмежавання сеткавых, дыскавых аперацый і інш.), прычым яго можна было змяняць пры патрэбе. Праз некаторы час большасць папулярных вэб-браўзераў пачалі падтрымліваць бяспечнае выкананне аплетаў Java, убудаваных у старонкі сеціва. Пачынаючы з версіі "Java 2", Sun Microsystems выпускае некалькі розных пакункаў Java для розных платформаў. Напрыклад, версія J2EE прызначаецца для праграмаў з высокімі патрабаваннямі да апаратнага забеспячэння, а версія J2ME, наадварот, прызначаная для мабільных платформаў.

У лістападзе 2006 г. Sun выпусціла частку крынічнага коду Java пад адкрытай ліцэнзіяй GPL. Поўнае адкрыццё кодаў пад свабоднай ліцэнзіяй плануецца на пачатак 2007 г.

Апошняя версія Java - Java SE 6 (1.6.0) была выпушчаная 11 снежня 2006 г.

[правіць] Асаблівасці

Аб'ектна-арыентаваныя тэхналогіі праграмавання
Магчымасць выканання аднаго выканальнага файла на розных аперацыйных сістэмах
Падтрымка кампутарных сетак
Бяспечнае выкананне праграмаў аддалена, з іншага кампутара
Простасць выкарыстання, заснаваная на рэалізацыі толькі эфектыўных метадаў аб'ектна-арыентаванага праграмавання
Аўтаматычнае збіранне смецця