Ян Павел Сапега
З Вікіпедыя.
Ян Павел САПЕГА (1610 — 1665), вялікі гетман літоўскі і ваявода віленскі, сын усвяцкага старасты Яна Пятра Сапегі.
Адукацыю атрымаў у Брандэнбургу. Вайсковую кар'еру пачаў у 1633 пад Смаленскам у чыне гусарскага ротмістра. З 1638 абозны ВКЛ, з 1645 — падстолій. Пасля смерці Крыштафа Кішкі атрымаў пасаду ваяводы віцебскага (1646). Меў стараствы Рослаўскае, Берцянскае, Здзітаўскае. У 1656 атрымаў, пасля смерці брата Казіміра, Ружаны, Косава, Ляхавічы, Быхаў, Чарэю і Мялешкавічы. Стаўшы ў лютым 1656 вялікім гетманам і віленскім ваяводам, узначальваў адну з буйнейшых магнацкіх партый ВКЛ. Пахаваны ў Бярозе ў касцёле картэзіянцаў.