Усяслаў Васількавіч

З Вікіпедыя.

Усяслаў Васількавіч (~1100 — пасля 1180), князь полацкі (1162 – 1167, 1167 – пасля 1180). Сын Васількі Святаславіча.

Заняў полацкі сталец ў 1162 годзе пасля паразы Рагвалода–Васіля ад Валадара Глебавіча. Страты палачан у бітве былі цяжкімі, таму Рагвалод-Васіль не вярнуўся у Полацк, а пайшоў княжыць у Друцк. Палачане ж запрасілі да сябе князем Усяслава Васількавіча з Віцебска. Усяслаў уладарыў пры падтрымцы смаленскіх князёў і не ладзіў з менскімі князямі.

У 1167 Валадар, з войскам у якім было шмат літоўцаў, выступіў супраць Усяслава Васількавіча, перамог яго ў бітве і заняў полацкі сталец, заключыўшы з полацкім вечам умовы і замацаваўшы іх цалаваннем крыжа. Затым накіраваўся на Віцебск, куды ўцёк Усяслаў, але даведаўшыся, што на дапамогу віцяблянам ідзе смаленскі князь Раман, вярнуўся ў свае землі. Васілька зноў заняў полацкі сталец.

Апошні раз згадваецца ў 1180, калі разам з іншымі князямі выступіў супраць смаленскіх князёў, сваіх былых патронаў. Відаць неўзабаве пасля гэтага памёр.

---