Транспарт у Мінску
З Вікіпедыя.
Змест |
[правіць] Гісторыя
- Першыя маршрутныя перавозкі пасажыраў у горадзе пачаліся з 1887 года
- 10 мая 1892 года ў Мінске была адкрыта конка. Яна праіснавала да сакавіка 1928 года
- 23 кастрычніка 1924 года ў горадзе быў адкрыты аўтобусны рух
- 13 кастрычніка 1929 года ў Мінске адбылося адкрыццё трамвайнага руху
- 19 верасня 1952 года была ўведзена ў эксплуатацыю першая чарга тралейбуснай лініі
- 18 сакавіка 1984 года адбылося адкрыццё Мінскага метрапалітэна
[правіць] Гарадскі транспарт
Асноўныя віды гарадскога транспарта: метро, аўтобусы, тралейбусы, трамваі і маршрутныя таксі.
Тарыфы на праезд у грамадскім транспарце з 2006 года складаюць - 500 рублёў ($0,2) поўны, 250 ($0,1) льготны. Тарыф на праезд у маршрутным таксі складае 800—1300 рублёў ($0,37-0,6)
[правіць] Метро
Мінскае метро ўяўляе сабою дзве лініі агульнай працягласцю 27,6 км і складаецца з 23 станцый і двух дэпо. Па стану на студзень 2007 года будуюцца 5 новых станцый. Пасажыраў абслугоўвае 215 вагонаў метро. Інтэрвал руху ў гадзіну пік складае меней 2-х хвілін, пасля 23:00 — 10 хвілін. Першы цягнік з канчатковых станцый адпраўляецца ў 5:35 раніцы, апошні — у 1:02. З адкрыццём трох новых станцый у лістападзе 2005 колькасць перавезеных пасажыраў у метрапалітэне наблізілася да мільёна пасажыраў у дзень, што складае каля 30% пасажыраў, якія перавозяцца ўсім грамадскім транспартам Мінска.
[правіць] Аўтобус
Больш за 120 маршрутаў мінскіх аўтобусаў абслугоўваецца сям'ю аўтапаркамі. Асноўную частку аўтобусаў складаюць МАЗ-103, -104, -105, Ікарус-260, -280 і ЛАЗ-695. Сустракаюцца таксама аўтобусы ЛИАЗ-5256, ЛИАЗ-677 і Нёман-52012. Па стане на канец 2005 года агульная колькасць мінскіх аўтобусаў — 1677, 48 % з іх выпрацавалі свой рэсурс. У 2005 парк машын быў абноўлены на 10 %. У 2006 году было запланавана абнаўленне больш 18 % - 300 аўтобусаў (з іх 100 МАЗ-105, 150 МАЗ-103, 30 прыгарадных машын і каля 25 МАЗ-152). Машыны набываліся на заводах МАЗ і Нёман на ўмовах лізінгу. Па выніках 2006 года ў аўтапаркі паступіла 174 аўтобусы МАЗ-103, 100 МАЗ-105, 70 Нёман, 18 МАЗ-152 і 2 МАЗ-251 - усяго 364 машыны. Аўтобусы МАЗ-103 і МАЗ-105 пастаўляюцца з рухавікамі «Мэрсэдэс» і аўтаматычнай каробкай перадач. У 2007 году плануецца закупіць 200 аўтобусаў[1].
[правіць] Тралейбус
У Мінску на сённяшні дзень працуе 68 маршрутаў, што абслугоўваюцца чатырма дэпо. Упершыню тралейбус на вуліцах горада з'явіўся 13 кастрычніка 1952 года. У эксплуатацыі знаходзяцца як тралейбусы ЗИУ, якія захаваліся з часоў Савецкага Саюза, так і сучасныя машыны вытворчасці прадпрыемстваў Белкамунмаш і МАЗ. На балансе мінскіх дэпо зараз 1050 тралейбусаў. Гэта другі паказчык у свеце пасля Масквы. У 2004 было закуплена 42 новых тралейбусаў, у 2005 - 54 (абнаўленне парку на 5 %). Па стане на канец 2005 года 65 % мінскіх тралейбусаў выпрацавала свой рэсурс. У 2006 годзе тралейбусны парк планавалася абнавіць на 15 % — у Мінск павінны былі паступіць 200 тралейбусаў вытворчасці Белкамунмаш, аднак гэты план выкананы не быў - завод паставіў толькі 60 АКСМ-213 і 41 АКСМ-32102 - усяго 101 машына. У 2007 годзе плануецца закупіць 105 тралейбусаў.
[правіць] Трамвай
Першае трамвайная лінія была адкрыта ў Мінску 13 кастрычніка 1929. Пасля абвяшчэння незалежнасці ў пачатку 1990-х, асноўнымі мадэлямі трамваяў, якія выкарыстоўваліся ў Мінску, былі машыны РВЗ і Татра. У 2000 годзе на прадпрыемстве «Белкамунмаш» быў наладжаны выпуск беларускіх трамваяў АКСМ-1М, а ў 2001 былі выпушчаны мадэлі АКСМ-60102 і АКСМ-743. Акрамя гэтага, у 2002 годзе нямецкім горадам Карлсруе Мінску былі падораны 10 трамвайных вагонаў GT8D. Па стане на студзень 2006 у Мінске было 153 трамваі, з іх 56 % выпрацавала свой рэсурс. У 2006 для горада было закуплена 20 трамваяў АКСМ-60102 вытворчасці Белкамунмаш. План на 2007 прадугледжвае пакупку 30 трамваяў.
[правіць] Маршрутнае таксі
Маршрутныя таксі ў Мінску эксплуатуюцца як прыватнымі кампаніямі, так і дзяржаўным прадпрыемствам «Мінсктранс». Акрамя мікрааўтобусаў на 13-15 месцаў, некаторыя перавозчыкі выкарыстоўваюць аўтобусы малога класа Багдан-А092.
[правіць] Міжгародны транспарт
[правіць] Аўтамабільны
Аўтавакзалы: Маскоўскі, Цэнтральны, Усходні
[правіць] Чыгуначны транспарт
Чыгуначны вакзал
[правіць] Аэрапорты
У межах горада, у 10 хвілінах язды ад цэнтра размешчаны аэрапорт Мінск-1. Ён абслугоўвае рэйсы ў Маскву, Кіеў, Калінінград, Тбілісі, Віцебск, Гомель і Магілёў.
У 42-х кіламетрах на ўсход ад Мінска размешчаны Нацыянальны аэрапорт Мінск (Мінск-2). Ён абслугоўвае ў асноўным міжнародныя рэйсы беларускіх авіякампаній «Белавія» і «Трансавіяэкспарт» і замежных кампаній «Аўстрыйскія авіялініі», «Лот» (Польшча), «Люфтганза» (Германія), «Эль-Аль» (Ізраіль).
[правіць] Дзіцячая чыгунка
Дзіцячая чыгунка была адкрыта ў Мінску 9 ліпеня 1955. Даўжыня яе складае 4,5 км, па шляху чыгункі размешчаны 3 станцыі — Заслонова, Піянерская, Сасновы Бор. Дарога пачынае працаваць 1 мая і закрываецца ў апошнюю нядзелю жніўня.