Рака Уша, прыток Нёмана

З Вікіпедыя.

УША — рака ў Нясвіжскім і Карэліцкім раёнах Беларусі, левы прыток Нёмана. Даўжыня 105 км. Вадазбор 1220 км². Сярэднегадавы расход вады ў вусці 7,3 м³/с. Сярэдні нахіл воднай паверхні 0,5 ‰.

[правіць] Асноўныя прытокі

Справа: Міранка. Злева: Гарадніца, Сноўка, Змейка, Цятранка.

[правіць] Агульнае

Пачынаецца каля заходняй ускраіны в. Качановічы Нясвіжскага раёна, упадае ў Нёман на ўсход ад в. Ярэмічы Карэліцкага раёна. Замярзае ў сярэдзіне снежня, крыгалом у канцы сакавіка. Каля Нясвіжа і в. Качановічы цячэ праз сажалкі. Прымае сцёк з меліярацыйных каналаў.

Даліна не выражана, схілы забалочаныя. Пойма двухбаковая, забалочаная, шырыня разліву ў ніжнім цячэнні да 2,5 км, у верхнім і сярэднім — ад 100 м да 1 км. Рэчышча на працягу 10,1 км каналізаванае: ад вытоку да сажалкі Дзікая (7,3 км) і за 1,5 км на паўночны ускход ад в. Еськавічы да в. Круты Бераг (2,8 км).

[правіць] Крыніцы

• Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1–2. –Л., 1971.

• Природа Белоруссии: Попул. энцикл./ БелСЭ; Редкол.: И.П. Шамякин (гл.ред.) и др. –Мн.: БелСЭ, 1986. –599 с., 40 л. ил.

• Блакiтная кнiга Беларусi: Энцыкл. / БелЭн; Рэдкал.: Н.А. Дзiсько i iнш. –Мн.: БелЭн, 1994.