Мікола Абрамчык
З Вікіпедыя.
Мікола Абрамчык (1903, в.Сычавічы, Маладзечанскі раён — 1970), беларускі грамадскі і палітычны дзеяч. Прэзідэнт Рады БНР (снежань 1947—1970).
Жыў у Чэхаславакіі (з 1923), у Францыі (з 1930), у Берліне, у Парыжы (з 1943).
Вучыўся ў сельскагаспадарчай акадэміі (Чэхаславакія), удзельнічаў у працы аб'яднання беларускіх студэнцкіх арганізацый. Заснавальнік і кіраўнік Аб'яднання беларускіх рабочых у Францыі «Хаўрус». Член Беларускага камітэта самапомачы ў Берліне (1941—1943), арганізатар і лектар курсаў беларусазнаўства.
У Францыі выдаваў перыядычныя выданні «Хаўрусу» — «Бюлетэнь» і «Рэха», у Берліне выдаў кнігі Я. Коласа «Сымон Музыка» і Л. Геніюш «Ад родных ніў».
[правіць] Сям'я
Жанаты з Нінай Ляўковіч (з пачатку 1940-х гадоў).