Еўрапейскае радыё для Беларусі
З Вікіпедыя.
Еўрапе́йскае ра́дыё для Белару́сі — незалежная міжнародная радыёстанцыя, створаная ў 2005 годзе. Праграмы транслююцца ў FM-дыяпазоне для Брэсцкай вобласці на хвалях польскага «Радыё для Цябе» (103,4 FM) з 5.00 да 6.40 і на хвалях украінскага радыё «Мелодыя» для Пінску з 13.00 да 14.00 і з 19.00 да 20.00, а таксама па спадарожніку HOTBIRD 6, 13° East, частата 11013 МГц (11013МГц/H/27500) і SIRIUS 2, 5° East, частата 12265MHz (12265МHz/H/27500) і праз Інтэрнет. Апроч таго, праграму «Акно ў Еўропу» можна пачуць на сярэдніх хвалях у эфіры радыёстанцыі «Балтыйскія хвалі» — частата 612 КГц.
Мэта радыёстанцыі — забяспечыць беларускіх слухачоў якаснай, праўдзівай, актуальнай інфармацыяй пра падзеі ў Беларусі і ў свеце, а таксама даць доступ да найбольш цікавых здабыткаў сусветнай і беларускай культуры. Эфір радыё рыхтуюць беларускія журналісты ў Варшаве, Мінску і па ўсёй Беларусі.
Радыёстанцыя працуе ў забаўляльна-інфармацыйным фармаце для аудыторыі старэйшай за 18 гадоў.
У межах праекта, падтрыманага Еўрапейскай Камісіяй, на радыё выходзіць «Акно ў Еўропу». Штодзённая 2-гадзінная праграма змяшчае агляд навін і забаўляльныя праграмы, пры гэтым дзве трэці праграмы — музычныя навінкі і хіты з Беларусі і Еўропы, а адна трэць — апошнія навіны з Беларусі, Еўрапейскага Саюза і суседніх з Беларуссю краін.
[правіць] У Сеціве
- http://www.belradio.fm — Афіцыйная старонка Еўрапейскага радыё для Беларусі
- «Акно ў Еўропу» – музыка і навіны — праграма Еўрапейскага радыё для Беларусі