Дуб
З Вікіпедыя.
ДУБ (лац. Quercus), род вечназялёных і лістападных дрэў і кустоў сямейства букавых.
Дрэвы вышынёй да 30-40 м, у дыяметры больш за 1 м. Лісце зубчастае або лопасцевае. Кветкі тычынкавыя ў каташках, песцікавыя - адзіночныя. Плод - жалуд.
Жыве 400-500 і больш гадоў.
На Беларусі дуб звычайны, або летні пашыраны па ўсёй тэрыторыі, на поўдні ўтварае дубовыя лясы. Дуб скальны, або сядзячакветны расце ў Белавежскай пушчы. Цвітуць у красавіку-маі, плады выспяваюць у верасні-кастрычніку. У батанічных садах і парках 16 інтрадукаваных відаў і 7 форм. Найбольш вядомыя: дуб паўночны, балотны, аксамітавы.
Дрэва дае каштоўную прамысловую сыравіну. Шмат якія экзэмпляры аб'яўлены помнікамі прыроды.