Вадасховішча Дразды
З Вікіпедыя.
ВАДАСХОВІШЧА ДРАЗДЫ — вадасховішча размешчанае на паўночна-заходняй ускраіне Мінска, на рацэ Свіслач. Уваходзіць у склад Вілейска-Мінскай воднай сістэмы. Створана ў 1976 плацінай на рацэ Свіслач для тэхнічнага водазабеспячэння і абваднення горада. Плошча 2,1 км², даўжыня 0,64 км, глыбіня дасягае 6 м, сярэдняя глыбіня 2,7 м, аб'ём 5,75 млн. м³, плошча вадазбору 649 км². Праточнае. Берагі ў асноўным нізкія, ёсць 4 невялікіх вострава. Уздоўж берагоў размешчана зона адпачынку, пляжы, лодкавая станцыя. Паміж Заслаўскiм вадасховішчам і Драздамі размешчаны канал для заняткаў воднымі вiдамi спорту. Папулярнае месца летняй і падлёднай лоўлі рыбы.