Бугай
З Вікіпедыя.
БУГАЙ — птушка з сямейства чаплевых атраду галянастых.
У Беларусі (найболей на Палессі) 2 пералётныя віды: бугай вялікі (лац.: Botaurus stellaris; народныя назвы: бухала, бугай, вадзяны бык, гібейла) і бугай малы (Ixobrychus minutus; народныя назвы: малы бугайчык, лазнюга, ваўчок, малы гібялюйчык). Жывуць на балотах, па берагах вадаёмаў. Гучныя крыкі самцоў у гнездавы перыяд нагадваюць рыканне быка (адсюль назва). Даўжыня цела бугая вялікага 66–70 см, маса да 1,7 кг., бугая малога — 32 – 35 см і 130 – 170 г адпаведна.
У мінулым — аб'ект палявання. У еўрапейскай кулінарыі здаўна лічылася, што смак мяса нагадвае зайцаў ці трусоў.
Зараз абодва віды занесены ў Чырвоную кнігу Беларусі.
[правіць] Крыніцы
- Белы А. Бугаі // Праект "Наша ежа"