Wrestling

Aus Wikipedia

Wrestling (engl. Ringen) wird im deitschn Sprochraum a oft ois Catchen bezeichnet ( des duat si aun de Bezeichnung Catch Wrestling anlehna). Es is a mega populäre Show-Sportart, wobei s' Wrestling in gesaumt Nordamerika und a in Japan am populärstn is, in Deitschland und Östareich nimmt die Popularität vom Wrestling a ollaweil mea zua. De meistn moanan, dass beim Wrestling nix passieren kau, wei sowieso ois gstöt is, des is oba foisch wei schau de kleanste Fehlanwendung geng an aundan Wrestla bei de Wrestlingmoves reicht und dea kau si ernsthoft valetzn. Deswegn miassn Profi Wrestler eanare Tricks sehr laung Trainieren, damit sowos ned passiert. Da Sieger bei an Wrestlingmatch steht steht fost immer scho vorher fest, es wird oba während de Matches scho improvisiert.

[dro werkln] D'Vermarktung vom Wrestling und da Aufstieg vo de Wrestla zu Weltstars

Zua heitign Zeit is des Wrestling a gschickt vamoakts Gesaumtprodukt. De greßte Wrestlingliga de WWE hoaßt, is sogar aun da Börsn und hod do Umsätze bei wahrscheinli 400 Millionen Dollar im Johr 2006. Vü WWE Wrestla ham daun späta a Film und Fernsehrollen augnomma. Wobei de bekauntestn von de da Hulk Hogan (mit Thunder in Paradise, Santa with Muscles, das A-Team, Rocky 3 - III – Das Auge des Tigers und Hogan Knows Best aufm MTV) und da The Rock (Die Mumie 2, the scorpion king, welcome to the jungle. Da John Cena bringt zB. Rap CD's aufn Moakt, da Mick Foley Kindabiacha. Unbekauntare Ligen wie de TNA oda Ring of Honor kinan eanare Supastars ned a so steile Karrierechancen aussahoib da promotioninternen Fanbasis bietn.

Bekaunte Wrestla san oda woan: Hulk Hogan, The Rock, Kurt Angle, Stone Cold Steve Austin, Bret Hart, Chris Benoit (†Juni 2007) Triple H The Nature Boy Buddy Rogers (†Juni 1992), The Nature Boy Ric Flair und da Shawn Michaels

[dro werkln] D' WWE ois Moaktführa vom Professional Wrestling und vom 'Sports Entertainment'

D' WWE ois soiche gibts schau ziemlich laung (seit 1952) oba da echte Aufstieg is erst kema, wie da Vince McMahon vo seim Vota 1980 de Titan Sport Inc. und 1982 a die CWC okauft hod und da Vince McMahon daun a WWE (damois nu WWF) Chef wordn is. Maßgeblich zum Aufbau vom Wrestling hod da Hulk Hogan beitrogn der de WWE mid seina Ausstrahlung und seim Gimmick boid national und daun späda intanational bekaunnt gmochd hod. Vo 1993 bis 1995 is d' WWE in ana Krise wegn an Steroidn Skandal gschlittert, damois wär de WWE fost Bankrott gaunga und da McMahon hod si ois Notmaßnahme dazua entschlossn de Gehälta vo de Wrestlingstars um bis zu 40% z' varingan, des ham se owa vü Wrestla ned gfoin lossn und san zua WCW gwechslt. De WCW wor daun bis zum End vo de 90er Johr da Hauptkonkurrent vo da WWE und hod de WWE zu dem Zeitpunkt in de TV Ratings übahoit, trotzdem hod de Liga durch foische Backstagepolitik wegn Bankrott zuadrahn miassn und is daun vo da WWE aufkauft wordn. A weitara oba ned so ernsta Gegna wor de ECW de oba ebenfalls bankrott gaunga is (und 2006 vo da WWE wiedabelebt wordn is). Danoch hods fost a WWE Monopol gebn, wei koa Wrestlingliga (wia zB. Ring of Honor) da WWE konkurrenz mochn hod kina. Seid a paar Johr kummt oba TNA Wrestling mit ehemalige WWE und WCW Superstars wie an Kurt Angle oda an Christian Cage oiwei bessa daher und mocht da WWE laungsam konkurrenz.

[dro werkln] Lignvazeichnis

Siagst unta: Wrestlingverbände

Naum	Kiazl	Staundort	Zeitraum	Bsundares
Athletic Club Wrestling	ACW	Deitschland	1998-
All Japan Pro Wrestling	All Japan	Japan	1972-
American Wrestling Association	AWA	USA	1960-1991	Nimma existierade, ehemols bekaunte Liga.
Asistencia Asesoría y Administración	AAA	Mexiko	1992-
Big Japan Pro Wrestling	Big Japan	Japan	1995-
Chaotic Wrestling	CW	USA	2000-
Chikara Pro Wrestling	Chikara	USA	2002-
Combat Zone Wrestling	CZW	USA	1999-	Hardcorelastige Liga
Consejo Mundial de Lucha Libre	CMLL	Mexiko	1933-	Bekaunteste Liga vo Mexiko
Deep South Wrestling	DSW	USA	2000-2006	Ehemolige Farmliga vo da WWE, mittlaweile zuadraht.
Deutsche Wrestling Allianz	DWA	Deutschland	2002-
Eastside Wrestling	ESW	Deitschland	2003-
European Wrestling Association	EWA	Östarreich	1998-
ECW	ECW	USA	1992-2001	Hardcorelastige Liga; 2006 is vo da WWE wiederbelebt worn.
German Stampede Wrestling	GSW	Deitschland	2001-	Bekannteste deutsche Liga
Global & German Wrestling Organisation	GGWO	Deitschland	2005-
Independent Wrestling Association Mid-South	IWA-MS	USA	1996-
International Wrestling Association	IWA	Puerto Rico	1994-	Bis 2001 Mitglied woa s' NWA, 1999 - 2001 "Farmliga" der WWE
International Wrestling Association Switzerland	IWA-S	Schweiz
Italian Championship Wrestling	ICW	Italien	2001-
Major League Wrestling	MLW	USA	2003-2004	A Vasuach vo ana neichn "Indy-Liga" nachm End vo da ECW. Gründt is vom NWA-Champion Harley Race wordn.
National Wrestling Alliance	NWA	USA	1948-	A Nationala Wrestling Verbaund, dea meistns regionale Ligen vertritt
New Japan Pro Wrestling	New Japan	Japan	1972-
Nu-Wrestling Evolution	NWE	Italien	2005	de deazeit populärste Promotion in Italien
Ohio Valley Wrestling	OVW	USA	1998	des is ka "Farmliga" mehr vo da WWE
Organization of Modern Extreme Grappling Arts	OMEGA	USA	1997-1998	A kloane Liga de vom Matt und an Jeff Hardy gründt woan is.
Pro Wrestling Guerrilla	PWG	USA	2003-
Pro Wrestling NOAH	NOAH	Japan	2000-
Ring of Honor	RoH	USA	2002-	Bekauntaste "Indy-Liga"
Rings of Europe	RoE	Östarreich	2004-
Rings of Europe Switzerland	RoE Swiss	Schweiz	2005-
Smoky Mountain Wrestling	SMW	USA	1991-1995	Vom Jim Cornette gründt, Kooperation mit da WWE
Total Nonstop Action Wrestling	TNA	USA	2002-	Größter Konkurrent der WWE, bis 2004 Mitglied der NWA
United States Wrestling Association	USWA	USA	1988-1997	Promotion von Jerry Jarrett (heute: TNA) und Jerry Lawler
westside Xtreme wrestling	wXw	Deitschland	2000-
World Championship Wrestling	WCW	USA	1988-2001	Ehemoliga Moaktfiahra, is Konkurs gaunga, is vo da WWE aufgkauft wordn.
World Wrestling Entertainment	WWE	USA	1952-	Moaktfiahra
Xtreme Pro Wrestling	XPW	USA	1999-2003