Terrence Bollea
Aus Wikipedia
Hulk Hogan (* 11. August 1953 in Augusta, Georgia; eigentlich: Terrence "Terry" Gene Bollea) is da wötweit bekaunteste und erfoigreichste Profi Wrestler und nebeinbei a no Schauspieler. Er hot aufm US-Sender VH1 sei eigane Reality-Show die Hogan Knows Best hoast, sie is in Deitschland auf'm MTV zum segn. Derzeit modariat a de neie American Gladiators Show mit sehr guadn Einschaltquotn. Da 'Hulkster' wor im Dezember 2007 de am meistn gsuachte Person bei Yahoo.
[dro werkln] Ringnames:
- The Super Destroyer
- Sterling Golden
- Terry Boulder
- Hulk Hogan
- Hulk Machine
- Hollywood Hogan
- Hollywood HULK Hogan
- Mr. America
Gress: je noch Angabe zwischn 196 und 203 cm
Gwicht: 137 kg (zu seine Bestzeiten), heit ca. 128 kg
Wohnsitz: Miami Beach, Florida
Angekündigt aus: Venice Beach, Kalifornien
Trainiert vom: Hiro Matsuda
Debüt: 19. August 1977
[dro werkln] 80er bis jetzt
In die 80er Jåhr zu seina Glaunzzeit wor da Hogan des beliebteste BABYFACE vo da damolign WWF (jiatzt WWE).In de friahn 90er schädigtn a Steroidskandal, Rücktritte und a Gerichtsprozesse sei Karriere, und deswegn hod a beim damåligen WWE-Konkurrenten World Championship Wrestling (WCW)untaschriebn.
Im Juli 1996 hod a sei Image zum Heel umgwaundlt und hot seina Karriere ois erfolgshungriga, manipulativa Bösewicht Hollywood Hogan ois Anführer von da nWo an neichn Schub gebn. Danoch is a wieda a Face wordn und is nochm End' vo da WCW zua WWE zruck kema. Während seina laungen Karriere hot er a in einigen Spüfüm und TV-Shows mitdau. Hogans oigemeiner Bekauntheitsgråd ham eam a påar TV- und Filmrollen beschert, unta andam hod a im Johr 1994 mit Thunder in Paradise sei eigane Fernsehserie ghobt.
Da Hogan wird offiziell ois 15-fåcher World Champion gführt, nåchdem eam im April 2005 seine zwoa Titelregentschaften fia d' AWA aunerkaunt wurdn. Er is a Mitglied vo da WWE Hall of Fame und wird a vo da Pro Wrestling Illustrated aun da erstn Stelle der besten Wrestler vo olle Zeitn gführt.
[dro werkln] Erneita Auftritt bei da WWE
Bei da RAW 15th Anniversary TV Show is da Hogan völlig unerwortet wieda in den Ring gstiegn um an kloanen Hornswoggle gengan Great Khali z'höfn. Jedoch hot sei Auftritt vorollem ois Promotion fia de TV Sendung American Gladiators dient bei der da Hogan oana vo de Gåstgeba is.