Schwårzåch im Pongau
Aus Wikipedia
 |
Der Àrtikl is im Dialekt „Såizàch-Pongaurisch (St. Johànnarisch)“ gschriem worn. | |
| Schwårzåch im Pongau Schwårzàch • Schwåschzàch |
||
| Wåbbm | Kårtn | |
|---|---|---|
 |
|
|
| Basisdàtn | ||
| Bundeslãnd: | Såizburg | |
| Politischa Bezirk: | St. Johànn im Pongau (JO) | |
| Koordinatn: | Koordinaten: 47° 19' N, 13° 9' O 47° 19' N, 13° 9' O | |
| Hechn: | 601 m ü. À. | |
| Eîwohna: | 3508 (1. Jän. 2006) | |
| Bevökarungsdichtn: | 1096 Eîwohna pro km² | |
| Postleitzåih: | 5620 | |
| Vurwåih: | 06415 | |
| Gmoãkennziffa: | 50 421 | |
| Gmoãvawåitung: | Gemeindeamt Dr.-Franz-Hain-Straße 2 5620 Schwarzach im Pongau |
|
| Offizielle Websitn: | ||
| Politik | ||
| Burgamàsta: | Hermann Steinlechner (SPÖ) | |
| Gmoãråt: (2004) | ||
Schwårzåch im Pongau (Hochdaitsch: Schwarzach im Pongau) is a Mårktgmoã in Estareich im Bezirk St. Johànn im Pongau im Bundeslònd Såizburg.
Inhaltsverzeichnis |
[dro werkln] Geogràfie
Da Ort lieg im Pongaua Såizàchtåi und werd vo d' Gmoãna St. Veit im Pongau und Goidegg im Pongau umgèm. Durch Schwårzàch fliasst d' Såizàch.
[dro werkln] Gschicht
Da Ort is is erschte måi im Jåhr 1074 dawähnt worn. Schwårzàch is erscht 1906 vo St. Veit åtrennt und åis eigènè Ortschåft im Jåhr 1908 zur Mårktgmoã dahoam worn, de im Juni 2006 ihr 100-jährigs Jubiläum gfeiat håd.
Im Ort håd si à de 1847 vo Firsterzbischof Kàrdinàl Schwårznberg grindatè Brauarei Schwårzàch befundn, de seid èif Gènarazionèn im Priwàtbsitz vo da Familiè Sèèwa (Seeber) gwèsn is. Untam Màrknnòm „TauernGold“, „cools“ und „Claro“ håd d' Brauarei mèhranè bèkònntè Biar-, Ràdla- und Kràchalsortn produziart.
[dro werkln] Infrastruktur
Da Ort is a wichtiga Bòhknotnpunkt vo da Westbòh und da im Ort bèginnatn Tauanbòh. Durch d' ginstige Vakehrslåg und vuråim durch d' Errichtung vo da Tauanbòh is Schwårzàch zu am wèstntlichn Siadlungsgebiet vom mittlan Såizàchtåi worn.
[dro werkln] Wirtschåft
Zu de wichtigstn Årweitgeban, vom vuråim durch 'n Hòndl- und Gewerbebetriabm prägtn Ort, ghern d' Tauankråftwerk' AG, Color Drack (oãs vo d' modernstn Foto-Großlàbors vo Europa) und d' Såizburga Àluminium AG (SAG) sowia 's Kàrdinàl-Schwårznbergsche-Krònknhaus, 's zwoatgrèßte Krònknhaus vom Bundeslònd Såizburg.
's Ortszentrum is relatiav dicht bèbaut. Nèbm mehranè kloanè Gschäftai und Gåsthef, werscht 's Ortsbüidl vo da Wikariàtskrichn und 'm Krònknhaus dominiart. A bissai owahåib vo Schwårzàch bèfindt si 's Schloss Schernberg, oãst amåi d' Hoamat vo da erzbischeflichn Brauarei, in dem si haid mid 'm St. Winzenz-Hoam Schernberg a Krònkn und Vasorgungsòståit fir geistig- und körpalich behindate befindt.
[dro werkln] Wåbbm
's Wåbbm vo da Gmoã is: „in Süiwa a schwårza Schrägrechtsfluss, der wås obm vo oana goidanen Krone, aus dera a roda Dråchnkopf wåggst und untn vo an blaun Bènèdikturskraiz begleidt is.“
Da schwårze Fluss stöit d' schwårze Åchn dår. Da Dråchn mid da Krone erinnat òn d' Familie vo d' Gråfm vo Schernberg und 's blaue Kraiz òn an Bènèdiktinaordn wöicha scho lòng in Schwårzàch vatretn is.
[dro werkln] Nòmen
Im lokàln pongaurischn Dialekt kôst zu Schwårzåch à no sång:
- Schwårzàch
- Schwåschzàch (nur mehr söitn)
- Schwåschzåch (nur mehr söitn)
[dro werkln] Persönlichkeitn
- Loatna Kurt (Leitner Kurt), (*1946 in Schwårzàch), èhèm. Fuaßbåispiela
- Fischbåcha Àndrea (Fischbacher Andrea) (*1985 in Schwårzàch), Schielaifarin
- Kirchgåssa Michaèla (Kirchgasser Michaela) (*1985 in Schwårzàch), Skiläuferin
- Reita Pàtrigg (Reiter Patrick) (* 1972 in Schwårzàch), èhèm. Judoka
