Hallein
Aus Wikipedia
 |
Der Àrtikl is im Dialekt „Ståd-Såizburgarisch“ gschriem worn. | |
| Hallein |
||
| Wåbbm | Kårtn | |
|---|---|---|
| Bild:Wappen Hallein.jpg |
|
|
| Basisdàtn | ||
| Bundeslãnd: | Såizburg | |
| Politischa Bezirk: | Hallein (HA) | |
| Koordinatn: | Koordinaten: 47° 40' N, 13° 5' O 47° 40' N, 13° 5' O | |
| Hechn: | 447 m ü. À. | |
| Eîwohna: | 19.013 (31. Dez. 2005) | |
| Bevökarungsdichtn: | 705 Eîwohna pro km² | |
| Postleitzåih: | 5400 | |
| Vurwåihn: | 0 62 45 | |
| Gmoãkennziffa: | 5 02 05 | |
| Gmoãvawåitung: | Schöndorferplatz 14 5400 Hallein |
|
| Offizielle Websitn: | ||
| Politik | ||
| Burgamàsta: | Christian Stöckl (ÖVP) | |
| Gmoãråt: (2004) | ||
 Hallein, im Hintagrund da Untasberg |
||
 Hallein vom Klànen Barmstoa aus geshng |
||
Hallein is a Ståd im Bundeslånd Såizburg in Östareich. Hallein is de zweitgresste Ståd in Såizburg und so ungefähr zehn Kilometa im Südn vo da Låndeshauptståd. Außadem iss d'Bezirkshauptståd vom Tennengau, und es gibt vüi Industrie durtn.
Da Nåm "Hallein" kummt ausm Köitischn, då háßt nämlich "Hall" so vüi åis wia "Såiz", und midn "-lein" siacht ma, dasss a kleanane Ståd is åis wia des gressane Såizburg glei in da Géngd. Seit da Zeit vo de Köitn is in Hallein Såiz åbaut worn, und aus dera Zeit håd ma á vüi åide Såchn gfundn, zwéng dem gibts sogår a eiganes Köitnmuseum in Hallein. Á nu sehr bekånnt is de Brauerei im Stådteil Kåitnhausn. Außadem håd in Hallein lång da Gruber Frånz Xáver gwohnt, dés is da Komponist vo dem Weihnåchtslial "Stülle Nåcht". Den håms á glei ném da Kirchn in da Åidståd vo Hallein eigråm.
[dro werkln] Leid
Im Jåhr 1891 håd Hallein scho 12.783 Leid ghåbt, im Jåhr 2001 bei da Voikszöhlung wårns dånn 18.399. Dés háßt, dass Hallein schnölla wåchst åis as restliche Lånd Såizburg. Bsondas in de Siebzgajåhr san d'Halleina mehr worn, wei då san a Haufn Leid vo da Türkei und vom dåmåling Jugosláwien auffakumma. Dé san deswéng nåch Hallein kumma, weis då heroman zweng Årwata in da Industrie ghåbt håm. Dés merkt ma á heid nu, dass vor åim vüi Leid in Hallein wohnan, de wås aus Türkei kumma san oda wo zumindest d'Öitan Türkn wårn. De oan sångd, dés is supa, weis då a "méditerráns Flair" gibt in da Ståd, der åndan håm dés weniga gern.
Hallein is a ziemlich große Gemeinde, de Leid wohnan åiso néd nur in da Ståd söim (dés warnd so ungefähr 6.600 Leid), sondan á rundumadum in de åndan Ortschåftn:
- Au
- Båd Dürrnberg
- Burgfried
- Gamp
- Grias
- Kåitnhausn
- Neiåim
- Rehhof
- Rif-Taxåch
[dro werkln] Berühmte Leid
- Fux Herbert, Voiksschauspüla
- Ilsanker Herbert, Fuaßbåispüla
- Kuljić Sanel, Fuaßbåi-Nazionálspüla
- Neumayr Toni, Burgamásta vo Hallein und vo Såizburg
- Primočić Agnes, Politikarin und Widaståndskämpfarin
- Stangassinger Thomas, Skifåhra
