Droad

Aus Wikipedia

Der Àrtikl is im Dialekt „Südostobaboarisch“ gschriem worn.

Droad aufm Acka

Unta Droad vasteht ma vaschiadne Artn vo Siassgrása (Poaceae). De Menschn zichtn und baun de im Nahn Ostn scho seit iba 10.000 Joar o, in Mittleiropa seid 7.000 Joar. Droad is des Grundnahrungsmittl vo am Groußteil vo de Menschn, und es werd aa ois Fuada fia d'Viecha hergnumma.

[dro werkln] Sortn

Reisobau in Kambodscha

Maiskoim

Weidwaid gebts a Unzoi vaschiadne Sortn.

[dro werkln] Droad wo im boarischn Raum wachst

Woaz
Roggn
Gerstn
Hafa
Mais
Dinke, Grünkern
Triticale
Einkorn

[dro werkln] Weidwaid vabreite Hauptsortn, sortiat noch produzierte Menga

Mais (in Östareich sogt ma aa Gugaruz dazua)
Woaz (dazua ghearn aa Dinke, Grünkern, Einkorn, Emmer, Kamut und Triticale)
Reis (und Wuidreis)
Gerstn
Hirsn (Millet, Teff, Sorghum)
Hafa
Roggn

[dro werkln] Pseudocerealien

De foigndn Sortn ghearn ned zua de Grása, wern aba ähnlich vawendt. Do sans zua Obgrenzung aufgfihrt.

Buachwoaz
Amarant
Quinoa

[dro werkln] Wos ma wo aus Droad z'Essn macht

Wei's des Grundnahrungsmittl schlechthi is, gebts entsprechnd áá de untaschiadlichstn Vaarbatungsweisn. In Eiropa werd Droad vor oim ois Meih hergnumma, aus dem Brod und Nudln gmacht wern. Áá Miasli oda "Frühstückscerealien" (Cornflakes und aso Zeig) wern oft gessn. Freara war in Mittleiropa hoassa Bapp aus Droad (Brei) recht vabreit. Des merkt ma heid no an de Englända eanam "Porridge". Da Vorteil is, dass' an warma Mogn macht. Im deitschsprochign und slawischn Raum werd vui dunkls, schwaars Brod oda Voikornbrod gessn, in andane Lända meara Weissbrod. Italien is bekannt fia de Nudln aus Woaz, de dortn "Pasta" ghoassn wern. Auf andane Kontinente dominiern ganz andane Droadsortn. In Asien bekanntamassn da Reis, den ma oiwei kocha muas. Heifig gebts dortn zu a jeda Moizeit (aa zum Friastick) an Reis mit am pikantn Gmias- oda Fleischgricht dazua. In Afrika werd vui Bapp aus Hirsn oda Mais gessn, im Nordn eha Bulgur und des "Couscous", wo aus am spezielln Woazngriass gmacht werd. In Amerika schliessle gebts recht vui Zeig aus Mais, wei da Mais jo áá vo dortn herkimmt. Áá de Pseudocerealien san bei de Grundnahrungsmittl guad dabei, da Buachwoaz vor oim im slawischn Raum, Russland zum Beispui, da Amarant und as Quinoa mera in Südamerika.