Bauanhof

Aus Wikipedia

Der Àrtikl is im Dialekt „Reichahollarisch“ gschriem worn.

A Bauanhof, oda oafach Hof, is èrschtamòi des Haus, in dem da Baua und/oda de Beirin wohnan. Außadem ko se de Bezeichnung no aufn Stòi dàstreckn, wo de Viecha drin ghòitn wern, und auf de restlichn Wirtschaftsgebäude, wia d'Schejn oda d'Remisn, und im weidastn Sinn àà auf den gsammtn Grund und Bodn, der zuaram Hof dazuaghert.

[dro werkln] D'Architektur vo de Bauanheef

[dro werkln] Oipnregion und Obabaian

Aufm Land herrscht de oide Bauweisn vor, de wo se klimatisch ois optimal aussegstejd hòd: relativ flache Dàcha, urspringlich oft mit Hoizschindln deckt und mit Bààmstämm und Stoana òbighoitn, wòs aso jetz no manchmoi in de Berg zum findn is. Vorn dro de Bòikone an dene d'Geranien onighengt ghearn, oft iba mera Etaschn. Da Grund fia de flache Bauweisn is des Prinzip, dass im Winta da Schnèè schee liengbleibt aufm Dòòch, und aso ois zuasätzliche Isolierung ausgnutzt werd. Wanns nadialich vui zvui schneibt, muas ma in sauan Apfe beissn und zwischndrin àà amoi òramma. D'hintre Hejftn vu sejchane Bauanheisa is dann meistns da Stòi, in dem d'Kia, d'Pferdln oda d'Fàcken stengan. Naddialich macht des dann às Wohnhaus vorndroo àà no zuasätzlich warm im Winta.