Sin

De Biquipedia

Sin
Sin, en La Comuna.
Comunidá autonoma	Aragón
Probinzia	Uesca
Redolada	Sobrarbe
Codigo postal	22364
Monezipio	Tella-Sin
Altaria	1218 m.
Distanzia	159 km enta Uesca 39 km enta l'Aínsa 10 km enta L'Enfortunada
Poblazión	50 ab. (2005)

Esta fuella ye escrita n'el parlar de La Comuna.

Sin ye un lugar d'el monezipio de Tella-Sin, uno d'es tres lugars que formoren l'antiguo monezipio de La Comuna, en chunto con Serbeto e Señes, en la bal de La Comuna. Attualment tien 50 abitants.

Sin yera l'antigua cabezana de la bal de La Comuna, que teneba n'este lugar l'ayuntamiento suyo e tammién el puesto t'á'n que s'achuntaba el conzello de bal ta tomar las dezisiones cuan que caleba. El monezipio de Sin deixó d'esistir n'el año 1963, e alabez s'achuntón de menesters con l'ayuntamiento de Tella, dando el monezipio de Tella-Sin que ye oi, con la capeza en l'Enfortunada (que ye la prenunziazión local de La Infortunada).

Las casas de Sin son fincatas dibaixo d'el Tozal de Pegueras (2045 m), con una fuent dita La Comuna n'el puesto más recuesto d'el lugar. Posiblement ixa fuent ye l'orígen de primeras d'el nombre delas faixas que hi hai per alto de Sin, e dimpués el que fayón regular ta toda la bal.

La il·lesia de Sin, d'el S. XVI, tien una momia á dintro.

l'Amparau "Caixigar de Sin" yera una selba fecha de tot d'estes árbols que fué la fuent de riqueza de Sin á mientres d'á sabe'ls siglos, como dimuestra que aiga un molín de picada (rastaurato d'en abe poquet) n'el lugar.

Sin tiene en la plaza suya un cuatrefuellas debuixato de mosaico de peñas n'el suelo, que s'ha reproduzíu en belas publicazions sobre la luenga aragonesa. Tammién bi son adestacadas belas casas d'el lugar, como Casa Torrero, d'el siglo XVI e fortificada, ó Casa Puchet con una torrella defensora á'l canto. La il·lesia ye consagrada á San Esteban e data d'el siglo XVI, con una estrutura bien robusta e una portalada suportalada con escaleras perque ye más per alto que no la plaza, tien una momia d'el siglo XVII á dintro, que popularment en dizen "Tiburcio" n'el lugar.

[editar] Enrastres esternos

Se beigan as imachens de Commons sobre Sin.

Lugars d'o monezipio de Tella-Sin
l'Arinzuet \| Badaín \| Cortalabiña \| l'Espital de Tella \| La Infortunada \| Estaroniello \| Lamiana \| Mirabal \| San Marzial \| Rebiella \| Salinas de Sin \| Sin \| Tella