Selba d'Oza
De Biquipedia
A Selba d'Oza ye situata en a Bal d'Echo, en a parti ozidental d'o Perineu aragonés, trescruzata por o río Aragón Subordán. A selba ye rodiata de tucas entre os 2.300 y os cuasi 2.700 m, destacan a Peña Forca (2.390 m.), a Punta Agüerri (2.450 m.), o Castiello d'Acher (2.384 m.), y Bixaurín (2.668 m.).
Tamién son intresans en a Selba d'Oza os tres dolmens que bi ha y as restas de una d'as antiguas bías romanas d'Antonino Pío que tamién estió emplegata como camín de pelegrinazión ta Santiago
[editar] Flora
Ye una selba formata prenzipalmén por abez mezclatos con pinos y fabos. Atras espezies bechetals son os taxos, azirons y abetullos. Antimás bi ha muitos matullos entre os que predomina o buxo, tamién bi ha una gran bariedat de fongos, fruito y flors.
[editar] Fauna
Se i pueden trobar onsos, aurons, sarrios, cuerzos, xabalins, taxugos, fuinas, rabosos, esquiruelos y loiras. En o zielo d'a selba tamién pueden beyer-sen debantagüesos, güeitres, alicas. En o río Aragón Subordán bi ha truitas.
