San Bisorio
De Biquipedia
San Bisorio istió uno ermitán d'orichen franco qui fincó á los mónz de Sobrarbe á redols de l'añada 950. Yé poca a informaizón que si tién d'iste santo, o culto ent'a o cualo istió (e yé) restrinchiu á tierras aragonesas, sines dadas d'a suya reconexenza por parti d'a ilesia romana.
Cosa que yé coneguta n'ampre iste ermitán yé que ba ser apriesau á la transcorrienza d'una razia d'os moros de l'Aínsa á fincas cristianas, probablemén á la redolada de San Bizién d'a Buerda, e d'aucorde ent'á tradizión, istió martirizau e dimpués os suyos despulles portaus ent'a a ilesia d'a localidát, onte encara oi bi puederen ser chiraus.
Bellas añadas dimpués ba alzar-se una ermita á l'espelunga onte lo sán gosaba á bibir-ie, sita á las forestas de San Bizién, bels zentenars de metros ent'a Sarra de San Bisorio. No se'n troban restas d'ista premitiba ermita a l'autualidát, pues istió sustituyida por una de nueba á lo sieglo XVIII.
L'autual ermita, sines cosa d'alardes arquiteutonicos, istió alzata merzéds á l'esfuerzo popular e yé acorde t'a la suya finalidát, modesta e chicolona, de donar rexero á los frescos d'o suyo aintror.
[editar] Romería
Una begada á l'añada, cheneralmén á lo mes de mayo, se fa d'ente lo conxunto eclesiastico de San Bizién una romeria ent'á l'ermita. Ixén de l'esconxurador de San Bizién fa-se bía, gosán á ser plegaus a l'ermita a l'ora de minchar.
