Río Zinqueta
De Biquipedia
|
||||
|---|---|---|---|---|
 El Zinqueta dintro de l'estrecho de San Martín, á par de Sarabillo. |
||||
| Longaria | 24,215 km | |||
| Altaria d'o naxedero | {{{altaria}}} m | |||
| Cabal meyano | {{{cabal}}} m³/s | |||
| Superfizie d'a cuenca | {{{cuenca}}} km² | |||
| Naxedero | Dople; s'achuntan el Zinqueta dela Pez e el Zinqueta d'Añes Cruzes á'l canto d'el santuario de La Vírgen Blanca en Biadós. | |||
| Desembocadura | río Zinca, en Salinas | |||
| Estatos per an pasa | {{{estatos}}} | |||
| Territorios per on pasa | Aragón | |||
| Río | ||||
 Esta fuella ye escrita en chistabín. |
El río Zinqueta (en castellano e en Grafía SLA Cinqueta) ye un río d'el Sobrarbe, afluyent de La Zinca, que naixe per alto dela bal de Chistau e la trabiesa luego ta baixo, indo-se'n ta Salinas que ye á'n que finalment s'ubre á'l Zinca. Ye el río prenzipal de Chistau.
El Zinqueta tenicament se forma n'el fundo de la pradería de Biadós, n'el endrecho de La Vírgen Blanca que ye á'n que se troban el santuario e l'espital de Chistén, cuan s'achuntan astí las dos garonas suyas que son el Zinqueta dela Pez (baixau dela balleta de Taberners) e el Zinqueta d'Añes Cruzes que baixa d'el puerto que tammién se diz asinas.
[editar] El Zinqueta dela Pez
- l'Articlo prenzipal d'este alpartau ye Río Zinqueta dela Pez.
El Zinqueta dela Pez ye una garona que tién el nombre d'el mesmo puerto d'á'n que baixa (el puerto dela Pez), á trabiés dela bal de Taberners per á'n que ba rezebindo l'augua d'es diferents barrancos que baixan d'es ibonez que bi hai per alto n'ixa compleguera. Esta ribereta ye curta e corre nomás que 5 ú 6 kilometros ta baixo, ta Biadós, e sobre tot, ye un puesto t'á'n que puyan es toristas per es paisaches que tienei, pos Taberners ye un aria plena de bordas e altros edifizios agricolas dispersos per es praus perque d'antes yeba un puesto t'á'n que se puyaba á treballar la picada e se'n quitaba madera ta baixo (mos-hi trobem toponimos como el puerto e el barranco dela madera que el meten bien ebidente), e d'ixes treballos de tantos tiempos que hi feban estare es ombres se feban cabannas ta dormire e ixoplucar-se. S'han de destacar las unas que encara se'n biyen que tienen el tellau de palla, pos d'antes en Chistau yeban siempre asinas, e no como agora que en hay muchas que ya el tienen nomás que de pizarra ó mesmo de tolas d'uralita.
[editar] El Zinqueta d'Añes Cruzes
- l'Articlo prezipal d'este alpartau ye Río Zinqueta d'Añes Cruzes.
El Zinqueta d'Añes Cruzes ye l'atra garona que alimenta el Zinqueta prenzipal en Biadós. Naixe dela Pleta d'Añes Cruzes e menos de 500 m dispués rezibe el barranco d'el Royo, que baixa de l'Ibón Royo (2750 m). El Zinqueta d'Añes Cruzes corre per el Parque Natural de Posets-Maladeta dica l'endrecho d'el Pinar d'el Clot, t'á'n que hi llega el parque, e cuasi de tot en paralelo á'l camín d'el Puerto de Chistau que comunica, per entre la Punta de Chistau (2804 m) e el Puntal dela Collata Negra (2875 m), con la Bal de Benás. Á'l canto d'el Pinar d'el Clot se troba el cubil·lar de Puyarrueixo.
