Poligono
De Biquipedia
Un poligono (d'o grieco, muitos anglos) ye una fegura cheometrica plana formata por un numero finito de segmentos linials secuenzials. Cada un d'istos segmentos ye un costato, e cada un d'os puntos á on s'unen dos costatos ye un bertiz. Asobent, o termín poligono tamién s'emplega ta describir l'aria amugata aintro d'a fegura, u a unión d'a fegura e l'aria.
Os poligonos con toz os suyos costatos e anglos iguals se dizen poligonos regulars.
[editar] Nombres e tipos
Cada poligono tién un nombre seguntes o numero de costatos, combinando un prefixo numerico deribato d'o grieco con o sufixo -gono, como pentagono, dodecagono. O trianglo e o cuadrilatero son eszeuzions á iste regle. Ta poligonos de muitos costatos, os matematicos escriben o propio numeral, por exemplo: 17-gono. Tamién se puet fer serbir una bariable, normalment n-gono, cuan s'emplega o numero de costatos en una formula.
| Nombre | Costatos |
|---|---|
| Trianglo | 3 |
| Cuadrilatero | 4 |
| Pentagono | 5 |
| Esagono | 6 |
| Eptagono | 7 |
| Otagono | 8 |
| Eneagono | 9 |
| Decagon | 10 |
| Endecagono | 11 |
| Dodecagono | 12 |
| Tridecagono | 13 |
| Pentadecagono | 15 |
| Etadecagono | 17 |
| Eneadecagono | 19 |
| Icosagono | 20 |
| Triacontagono | 30 |
