Mosqueruela

De Biquipedia

Ta atros empregos d'o toponimo Mosqueruela se beiga Mosqueruela (desambigazión).

Mosqueruela
{{{imachen}}}
Comunidat autonoma	Aragón
Probinzia	Tergüel
Redolada	Gúdar-Chabalambre
Codigo postal	44410
Latitut Lonchitut	{{Coor dd| lon=-0.449|lat=40.363}}
Superfizie	265 km²
Altaria	1471 m.
Distanzia	99 km enta Tergüel
Poblazión	719 ab.
Chentilizio	{{{chentilizio}}}
Ríos	{{{ríos}}}
Pachina web	{{{web}}}

Mosqueruela (Mosquerola en catalán) ye un monezipio d'a probinzia de Tergüel, situato en la redolada de Gúdar-Chabalambre. La suya poblazión yera de 719 abitans (1996), en una superfizie de 265 km².

Contenius 1 Cheografía 2 Istoria 3 Nome 4 Fiestas 5 Enrastres esternos

[editar] Cheografía

Ye situato en la costera oriental de la sierra de Gúdar en un polje karstico. Lo termino de Mosqueruela ye muito gran e i naxe lo río Mallo, que ba ta l'este pasando á man de lo Castiello del Mallo, e lo río de las Truitas, que ba ta lo norte e ye afluent d'o río Alcherez.

Lo termin de Mosqueruela ye tan gran que ya dende antigo se dibidió almenistratibament en Cuartos u Partidas, que dimpués no n'estioron cuatro sino zinco: Valdelamadera, Las Cañadas, Los Carrascales, El Pinar Plano e La Estrella u Peñas Abajo. Las cuatro primeras son partizions radials arredol lo nuclio de poblazión y bi ha muitos mases, la cinquena ye espezial porque correspone á lo istorico termin de lo Castiello del Mallo, e ye á lo costato de Los carrascales.

Cadaguna de las zinco partitas poderba aber estato lo terreno d'una poblazión si s'ese conzentrato l'abitat, pero esto nomás se desbinió con lo bico de la Estrella, clamato La Billeta en Mosqueruela, eredero de l'anterior poblamiento islamico, e dende on se chestionó tota la partita, con un aldalde pedanio ya en epoca contemporania. En la resta de las partitas florexió la dispersión de nuclios d'abitat: los mases u masadas.

[editar] Istoria

Lo poblato iberorromán de San Antonio encara yera poblato en la Edat Meya musulmana. Los musulmans andalusins costruyoron lo castiello del Mallo en l'este del termin talment pa aturar l'abanze cristián.

Seguntes Cheronimo Zurita, Alifonso II lo Casto reconquerió en 1181 la zona de l'autual nuclio urbán, e dimpués tendrá importanzia como muga con los musulmans, como lugar de paso pa las cabalgatas de saqueyo cristianas que de camín ta la costa, e como un punto de referenzia en la conquista de Balenzia. De fuens istoricas se conox lo trazato d'un bial, clamato calçada de Meder, que mugaba lo termin en l'arie noreste. N'esta parte de lo termin i eba chicoz asentamientos clamatos Las Posadas de Atorella, Las Casiellas u Las Covas de Petro Exameneç. Las notizias d'este periodo son escasas, Pero II conzedió en otubre de 1203 a Arnal Palaziano lo lugar desconoxito de Bos, que los moros clamaban Val de Ursera, e que se crei que mugaba con Mosqueruela. Tamién sorprende la donazión de lo castiello del Mallo a Gastón de Castellot en chinero de 1204, que no parix que lo rei controlase.

Parix estar que en 1234 los mesmos abitans de Mosqueruela conquerioron lo castiello del Mallo. La fundazión de Mosqueruela estió en 1265 por orden de Chaime I d'Aragón, pero lo toponimo ya esistiba enantes. Pertenexió á la Comunidat de Tergüel, dentro a Sexma del Campo de Montagut.

En 1333 s'incorpora ofizialment á Mosqueruela lo Castiello del Mallo, dimpués d'un pleito con los de Billafranca. Estió lo primer lugar d'esta comunidat que consiguió la categoría de Billa, en 1366 como premio a la fidelidat a Pero IV d'Aragón.

[editar] Nome

Las primeras referenzias documentals presentan o nome latinizato: Mosquerola en 1203, la fuente de la Mosquerola en 1204, Castelli de la Moschorola en 1208. A forma con diftongo tamién la trobamos en lo sieglo XIII.

Ubieto Arteta diz que la referenzia más antiga de Mosqueruela ye de 1248. En 1270, Chaime I d'Aragón establió:

• quod vos, habitatores de Mosqueruela predicti et vestris sucesores in perpetuum heredis hereditatis et posideatis dictos terminos et dicta carta contentos.

No ye la unica Mosquera en lo dominio nabarro-aragonés, porque tenemos microtoponimos como Mosquera en Tudela y Nobiellas, Mejana de Mosquera en Tudela, Mosqueruela en Tudela y Fontellas, Corrales del Mosquero en Exarc de Moncayo.

En la Ribera Nabarra e Taust Mosquera sennifica lugar con arbols on sesteya o ganato, sennificato que se i troba tamién en bels lugars de l'Alto Aragón. Rafael Andolz replega la palabra mosquetera con o sennificato de puesto fresco, sombra de berano, sombra de bel árbol. En lo caso tudelán podemos pensar en una perbibenzia de lo toponimo bascón prerromán Muscaria.

Las Sierras de Tergüel son zona istoricamén ganadera. En Mosqueruela bi ha paraches amán de fuens y ríos con selbetas d'arbols de fuella caduca (triemols, azirons, tileros) entre meyo de a pineta y o carrascal predominans; podemos pensar que Mosqueruela sennifica lugar con sombra on los pastors feban descansar lo bestiar.

[editar] Fiestas

• 29 d'abril, San Pero.
• Zaguer domingo de mayo, Fiestas de la Estrella, bi ha una romería ta lo Santuario de la Estrella
• Feria ganadera lo primer domingo de setiembre, que esiste dende que Martín I lis conzedió lo pribilechio de zelebrazión de ferias.

[editar] Enrastres esternos

• Torismo Mayestrazgo