Wikipedia:Criterios d'almesibilidat d'articlos
De Biquipedia
Estes criterios d'almesibilidat d'articlos, prou incompletos, miran d'amostrar qué criterios s'empregan ta determinar cuan un articlo tien un puesto en a Biquipedia. Bels d'ers son descritos en Cosas que Biquipedia no ye. Son pensatos ta que s'escriban en a descrizión d'as Pachinas ta suprimir.
[editar] Almesibilidat d'es articlos
No existe garra prozedimiento d'almetedura á priori: cada besitant puet creyar un articlo en cualsiquier momento siga cual siga ro suyo tema. Ye siempre deseyable que sía construyito d'alcuerdo ent'as combenzions en bigor en Wikipedia, espezialment con as combenzions sobre tetulos e d'a neutralidat d'o punto d'embista.
Tan luego como s'aiga creyato l'articlo, amanix automaticament aintro d'o Espezial:Newpages e d'es Zaguers Cambeos. Ixas pachinas son bechiladas de regular per altros colaboradors ta prozeder con as adaptazions que estasen nezesarias, d'alcuerdo con es prenzipios en os cuals Biquipedia ye alazetata. Un articlo nuebo puet ser considerato de tres manieras:
- Ye clarament benefizioso ta Biquipedia, sin de singularidaz.
- Abusa clarament de Biquipedia, ye borrato e eleminato sin de demora.
- Baila á man de l'areya grisa d'es articlos de valura descutible. A plantilla {{destruyir}} mesa en a capezana de l'articlo el colocará aintre d'a categoría d'es articlos que cal suprimir.
O prozeso de supresión consist en repliegar o consenso ta suprimir-lo u conserbar-lo. A durazión d'ixe prozeso ye per un regular de una semana, anque en caso de debat, puet prorrogar-se dica dos semanas.
[editar] Criterios chenerals
Es articlos consistents en una simplera definizión d'una parola d'o lenguache común, sines de contenito enziclopedico, s'han de pribar. A millor soluzión ta ixa mena d'articlos consist... de simplement enamplar-los. O més gran problema se perfila cuan l'editor insiste en produixir un gran numbro d'articlos d'ixe estilo. Se beiga tammién Wikipedia:A Wikipedia no ye pas un dizionario.
Una norma, que pareix aparent pero que sin d'embargo prou articlos no han respetada, ye que es articlos sían escritos en luenga aragonesa.
[editar] Biografías
Ta pribar de que Biquipedia se debienga á un meyo d'auto-promozión ta personas encara desconeixitas aintre d'o dominio, s'aconsella de dedicar-ne articlos només que cuan responden ta es siguients criterios:
[editar] Artistas
Un artista u colla d'artistas ye considerato como á notorio cuan han produixitas dos obras d'arte. Ta un pintor, ixo sennifica haber feto per menimos dos cuadros, ta una colla mosical, dos discos editatos, etz.
No obstante, es artistas que aigan plegato t'a fama sin d'aber acomplito garra d'ixas condizions tamien pueden ser obchetos d'un articlo. Espezialment per o suyo exito en o plano artistico, istorico u comerzial. Asinas, a notoriedar puede-se contrimostrar de maniera simple fendo una chicota rechira aintre d'un motor como Google.
[editar] Mosicos u agrupazions
Cal que correspondan con es motibos explicatos en a pachina Wikipedia:Notoriedat mosical.
[editar] Pintors e artistas d'as artes bisuals
- Cal que sían reconeixitos aintre de bel museyo u coleizión reconeixible.
- Aber fetas per menimos dos exposizions personals, creticatas u presentatas á trabiés d'es meyos de comunicazión (telebisión, radio, prensa...).
[editar] Escritors e altros artistas d'a escritura
- Cal que aigan editato per menimos dos libros.
- Que sían referenziatos aintre d'una obra de referenzia reconeixita (enziclopedia, dizionario, etz.)
- Que aigan rezibito bel premio reconeixito (Pulitzer, Nobel, etc.).
[editar] Artistas de teyatro
- Cal que aigan puesto en eszena per menimos una pieza en un teyatro de ran nazional.
- Que sía actor prenzipal aintre d'una pieza notoria.
- Que sía actor secundario aintre de 3 piezas notorias.
[editar] Artistas de zine
- Cal que sía reyalizador d'un filme notorio.
- Actor prenzipal aintre d'una zinta notoria.
- Actor secundario aintre de 3 pel·liculas notorias.
[editar] Artistas de telebisión
- Cal que sían actors prenzipals aintre d'una serie u telefilme important (cadena herziana, Prime Time per cable u editato en DVD -1 temporada completa u 5 telefilmes-).
- Que sía presentador prenzipal d'un programa de telebisión notorio.
- Que sía ganador d'un concurso telebisato de Prime Time u luenga durazión.
[editar] Zentificos u unibersitarios
- Cal que aigan rezibito un premio zentifico nazional u internazional (ta l'ixemplo, o premio Nobel, medalla d'o CNRS, etz.).
- Que sían autors reconeixitos aintre d'o dominio considerato.
- Que sían autors d'una teyoría prou difundita.
- Que sían zitatos aintre d'una obra de referenzia reconeixita (enziclopedia, dizionario, etz.).
- Que sía un personache que amanixca á sobent en es meyos de comunicazión d'ambito nazional u internazional.
[editar] Esportistas
- Cal que aigan ganato una competizión u torneyo internazional u á on que bi haigan plegato ent'as primeras posizions.
- Que aigan chugato en una liga profesional u competizión de ran equibalent ta un esporte profesional endibidual u encara en o més altero nibel d'un esporte amateur, encluyitas as competizions unbersitarias d'es Estatos Unitos. Es articlos sopre miembros d'equipos de primera que encara no aigan chugato tota una temporada con o suyo equipo tamien pueden ser apropriatos perque son chugadors ya funczionals en una competizión europeya de campeyonato u copa.
- Que aigan clamato l'atenzión d'os meyos per lures autibidaz de margin de l'esporte (p. ex. O escandalo d'o dopache).
- Que aigan estato seleuzionatos ta una seleuzión nazional esportiba.
- Que aigan estato campions d'una federazión nazional esportiba e ofizial.
[editar] Personalidaz puliticas
- Cal que sían miembros d'un gubierno nazional u aintre d'un estato federal, miembros d'o gubierno d'una d'as entidaz federals.
- Que perteneixcan á bel parlamento nazional u en un curso lechislatibo de ran rechional aintre d'es estatos federals (Cantons suizos, probinzias canadienses, entidaz federals belgas, etz...) e més que més aintre d'as rechions con autonomía marcada aintre d'estatos no federals (Escozia, País Basco, etz.).
- Que sían parti de l'aparato de gubierno d'un partito pulitico important u d'a direuzión d'un partito no marchinal.
- Que sían parti de l'animazión d'un grupo de reflexión pulitica notorio (ThinkTank).
- Notoriedat nazional, rechional, probinzial u cantonal. O grau de notoriedat purament nocal ye de tot insufizient ta que s'encluya. Es alcaldes de billas u ziudaz importants chustifican a suya enclusión per a suya notoriedat de ran per menimos rechional.
Toz istes criterios s'abrán d'aplicar con cuenta, como sugcherenzias consensuatas que son e no reglas richidas. S'abrá de beyer e argumentar escrupulosament as exzepzions ebentuals.
[editar] Interpresas, soziedaz e produtos
As interpresas, soziedaz e produtos pueden aber o suyo puesto aintre d'a Biquipedia, pero cuan es suyos articlos no sían clarament propaganderos u as interpresas u soziedaz representatas tiengan una relebanzia reyal.
[editar] Obras de ficzión e es suyos components
As obras de ficzión (libros, pel·liculas, chuecos de bideo, etz.) pueden tener o suyo puesto en a Biquipedia como es suyos components (personaches, conzeptos, puestos, creyaturas, etz.).
[editar] Sitios Web, Webmasters, foros e altros miembros d'una comunidat en Internet
Perque Biquipedia no ye pas un puesto d'auto-promozión ta sitios d'Internet, només se recomienda a creyazión d'articlos referents en es siguients casos:
- Que sían coneixitos per un numbro maximo de personas.
- Que sían parti d'es procheutos agüespatos per a fundazión Wikimedia, sía una Wikipedia u cualsiquier altro procheuto chirmán d'aquera.
Es articlos sopre Webmasters u almenistradors, miembros de foros, miembros de collas de descusión u aquers que pertenixen ta cualsiquier altra comunidat d'ixa mena serán, per un regular, no almesos de no ser que ixa persona aiga contrebuito ta un procheuto reyalment sennificatibo u sía notoriament reconeixita aintre d'altros dominios d'alcuerdo con es criterios definitos en ista pachina.
[editar] Articlos que tienen per tetulo suyo un neolochismo u conzepto nuebo
Se recomienda que un neolochismo u conzepto nuebo constetuya un tetulo només cuan se cumplan o siguients dos criterios:
- Cal que sía una dentrata en una obra de referenzia reconeixita (enziclopedia, dizionario, etz.).
- Cal que constetuya l'obcheuto de per menimos dos fanzinas reconeixitas.
Ebidentement, manca definir qué cosa ye una fanzina reconeixita. Con a exzepzión de seutors extremadament arcaicos, a terminolochía eboluziona á sabelas priesas, e gosa á estar posible a berificazión á trabiés de belas de neofitas.
Istes criterios naixen d'a nezesidat de disponer de poblicazions que rolden o tema en cuestion. Con alusions en a prensa u con un uso prou aneudotico simplement l'articlo podría pasar d'una definizión tribial dica l'analís més personal.
[editar] Articlos sopre es numbros
No cal que aiga articlos sopre toz es numbros entieros en a Biquipedia. Ixo tammién ye baledor t'as añadas; no cal que se-bi meta un articlo sobre l'año -321456987.
[editar] Establimientos d'amostranza
Ista man conzierne as unibersidaz, as grans escuelas, e aqueras academias que como es Lizeos de Franzia u es Colechios/Chimnasios de Suiza tiengan importanzia cabal.
[editar] Rezetas de cozina
Es articlos sopre rezetas de cozina son almesos en Biquipedia siempre que contiengan informazión enziclopedica. Ixo quier dezir que se pueden enlistar es ingredients, es aspeutos sozials, istoricos, tradizionals e parellans d'o plato, pero no cal explicar detalladament toz es aspeutos teunicos d'a suya cotrazata.
[editar] Qué fer cuan un articlo no correponde con es criterios d'almesibilidat
Un articlo que no corresponde con es criterios d'almesibilidat tampoco no cal que s'aiga de destruyir.
En toz es casos, será de cortesía meter una sugcherenzia ta l'autor ta que enample l'articlo e el faiga millor.
