Chuego
De Biquipedia
Un chuego ye una autibidat estruturata u semiestruturata, asobent feita por dibersión pero, á begatas, tamién con fins educatibas. Tamién s'emplega o termín chuego ta referir-se á simulazions de dibersas autibidaz ta entrenamiento, analisis u predizión, como en a tioría de chuegos. O chuego se diferenzia d'o treballo (o cualo gosa fer-se á cambeo de diners) e de l'arte (o cualo ye més relazionato con a esprisión d'ideyas). Manimenos, a distinzión no ye definitiba ya que muitos chuegos pueden estar consideratos como treballos e/u como arte.
Un exemplo de chuego ye l'axedrez, á on cal usar o zelebro ta chugar a partida e ganar-la. As partis clau d'un chuego son os ochetibos, os regles, os retos e a interautibidat. Os chuegos d'ordinario cheneran estimulazión fesica u mental e, asobent, as dos; aduyan á alquirir abilidaz prauticas, sirben como exerzizio e desarrollan un rol educazional e sicolochico.
Os chuegos son parti unibersal d'a cultura umana e se'n tién constanzia de que se chugaban dende tiempos preistoricos.
