Bal d'a Garzipollera
De Biquipedia
A bal d'a Garzipollera ye una bal perinenca situata en a redolada d'a Chazetania, en l'Alto Aragón. Ye trescruzata d'este ta ueste por o río u barranco d'Ixuez, afluyent de l'Aragón que naxe en La Espata (2197 m) amán de l'armita de Santa María d'Iguazel. L'aczeso ta la bal se fa dende Castiello de Chaca.
D'antis más bi eba en a bal dos monezipios: Bescós que necluyiba tamién os lugars de Yosa e Bergosa e Azín que encluyiba Billanobilla e Larrosa, agora toz istos lugars pertenexen á lo monezipio de Chaca. En o zenso de l'año 1900 yeran 447 os abitants d'a bal d'a Garzipollera, güe nomás bi ha 15 abitants en tota la bal, 11 en Billanobilla e 4 en Bescós a resta d'os lugars son despoblatos.
[editar] Nombre
L'antigo nombre d'ista bal yera en latín "vallis Cepollaria" que sennifica a "bal d'as zebollas" en aragonés.
