Antigo Echipto
De Biquipedia
L'Antigo Echipto estió una zebilizazión que s'orichinó en o cauz meyo e baxo d'o río Nilo, e que abió tres epocas d'esplendor faraonico en os periodos ditos: Imperio Antigo, Imperio Meyo, e Imperio Nuebo. Abarcaba dende o delta d'o Nilo en o norte, dica Elefantina, en a primera cadreita d'o Nilo, en o sur, plegando á tener influyenzia dende l'Eufrates dica Jebel Barkal, en a cuarta cadreita d'o Nilo, en epocas de masima amplaria. O suyo territorio tamién abarcó, en distintos periodos, o disierto oriental e a linia d'a costa d'o mar Royo, a peninsula d'o Sinaí, e un gran territorio oczidental dominando os dispersos oasis. Istoricament, estió dibidito en Alto e Baxo Echipto, á lo sur e á lo norte respeutibament.