Altaboz
De Biquipedia
Por fabor, edita-lo ta cumplir con eras. No elimines iste abiso dica que lo aigas feito. Colabora wikificando! |
L'altaboz, tamién conoxito como "bafle", ye un dispositibo emplegato t'a reproduzión de sonito. Altaboz y pantalla acustica no son sinonimos, pues uno u barios altabozes pueden fer parti d'una pantalla acustica .
L'altaboz ye un transdutor, en concreto, un transdutor eletroacustico, en o que a transduzión sigue un dople prozedimiento: eletrico - mecanico - acustico.
En un primer trango combierte as ondas eletricas en enerchía mecanica , y en o segunda torna a enerchía mecanica en enerchía acustica. Ye pues a puerta por an que sale o sonito ta l'esterior dende os trastes que fazioron posible a suya amplificazión, a suya transmisión por meyos telefonicos u radioeletricos, u o suyo tratamiento .
O sonito se transmite por meyo d'ondas sonoras á trabiés de l'aire. A orella repleca istas ondas y as transforma en impulsos nierbosos que plegan ta o zelebro. Si se trata d'una grabazión de boz, de mosica en un soporte mannetico u dichital, u si se recullen istos siñals por radio, s'amenistará tornar istos siñals eletricos en sonitos audibles; ta ixo s'emplega l'altaboz.