Unruhen in Belize (2005)

Us der alemannische Wikipedia, der freie Dialäkt-Enzyklopedy

Ufenandertreffe vo Demonschtrante un Sicherheitskräft z'Belmopan am 21. Januar

Unruhe sy mitte Januar 2005 i dr Hauptschtadt Belmopan z'Belize usbrôche. D'Unruhe sin usglösst wôre durch d'veröffentlichig vomene nöji Budget, wo ä massivi Schtüürerhöig vorgsehe hät. Usserdem hät d'Wut uf d'regierendi Partei ä roll gschpilt.

Am 13. Januar 2005 hät d'Regierig vo Said Musa s'Budget füer 2005-2005 verchündet. S'Budget hät ä deftigi Schtüürerhöig füer verschydeni Gschäft un Wahre beinhaltet: ä 11% erhöig vur Grunderwerbschtüür, ä 5% erhöig füer finanzieli Inschtitutione, ä 8% erhöig vur Tabakschtüür un ä 100% erhöig uf Rum. D'Regierig behauptet dass sälle erhöige mit denne verglychbar sin wo 1998 vur letschti Regierig bschlosse wôre sin. Nôch Jôhre vo angeblichem Mismanagment un Choruption hät s'Budget allerdings Protescht usglösst. Am 15 Januar sin d'Demonschtrante un d'Polizei vorem Parlament annenandergrate.

Am 20 Januar hän d'Wirtschaft un Gwerkschafte zumene zwee Tag langi Schtreik ufgruufe. D'Regierig hät als gegemassnahm s'Wasser abgschtällt. Am 21 Januar hän d'lokali Medie über vereinzelnti Demonschtratione z'Belmopan berichtet, unter anderm au d'Brandschtiftig an manchi Regieriggebäud un Barikade. Minischter sin mit Flasche un Schtei bworfe wôre, d'Polizei un s'Militär sin deswege gage d 'Demonschtrante vorgange.

Menschemasse vor dr Nationalversammlig vo Belize mit Transparente, wo dä Rücktritt vum Premierminischter Said Musa fordre

Ä grössri Demonschtration hät am 21 Januar schtattgfunde (d'regierendi Partei hät aageblich ä gege-Demonschtration aachündigt). D'Demonschtration vorem Parlament isch gwaltätig usgange. D'Demonschtrante hän d'Polizei mit Schtei bworfe un d'Polizei hät mit Gummigschoss un Gas reagirt. Ä grössrer chnall isch au ghört wôre un mehreri Demonschtrante sin verhaftet wôre. Nôchdem d'Demonschtrante de Abluuf vur Demonschtrationsgnehmig ignorirt hän, hät d'Polizei d'Demonschtration ufglösst. D'Polizei isch dä ganz Tag lang relativ ruhig blybe, allerdings solle manchi Kadete unötigi Gwalt ygsetzt ha. S'wird behauptet dass d'Demonschtrante erscht Schtei gwôrfe hän nôchdem ä Demonschtrant vomene Kadet am Grind troffe wôre isch.

S'isch erscht s'dritti môl dass solchi Unruhe z'Belize usbräche, zum letschti môl 1980, als ä Teil vum Land aa Guatemala hät solle abträte wäre.