Schweizer Minarettstreit
Us der alemannische Wikipedia, der freie Dialäkt-Enzyklopedy
Technische Yschränkung: Dr koräkt Titel wär: »Schwizer Minarettschtrit« |
Dr Schwizer Minarettschtrit (zerschmol hei schwyzer Zitige das Wort im Joor 2005 brucht) isch nüt angerschs as dr bourächtlechi Schtrit, wo i Gmeinde ufcho esch, wo die lokali muslimischi Gmeind es Minarett het wöue boue. Usglöst worde isch er dür Bougsuech vo Minarett (in Wange bi Oute, Langetu u Wiu em Kantoon Sankt Gaue).
D'Bougsuech für Minarett hei i Deile vor lokale Bevöukerig Verunsicherig unen Art gsamtschwizerischi politischi Debatte drüber usglöst, was e Gmeind söt mache wenn öper e Moschee (mit Minarett) wot boue.[1] Es paar meine, der Minarettschtritt zeigi dass s'ir Schwyz immer meh Islamofobie gäb. Dr Bou odr Umbou vomne islamische Gebätsruum hed ersch ab 2005 die Reakzioone usglöst, wo dezue nones Minarett plant wordenisch.
Di öppe 310'000[2] Muslime ir Schwiiz hei ungfär 160 Moschee (nur di wenigschte si groossi Moschee; di meischte si chlini "Hingerhoofmoschee"). S'het zwo grossi Moschee mit Minarett ir Schwiz: d'Mahmud-Moschee z'Züri u d'Moschee vo Gämf.
Me cha säge dass es usserhaub vor Schwiz o mängisch Diskussione gä het öb etze amne Ort es Minarett bout sött wärde odr nid.[3]
[ändere] Büecher
- S' Minarett. Über di politischi Kultur vom Komflikt um islamischi Symbou, vom Jörg Hüttermann, Juventa Verlag (Weinheim) 2006. (ISBN 3-7799-1495-6)
- Conflicts over Islamic Symbols in European Public Space, vom Stefano Allievi, Journal für Komflikt- u Gwautforschig vor Uni Bielefeld, Vol.5, 2/2003.
[ändere] Kwelle
- ↑ Artiku Schdöuverdrätterchrieg Minarettschdritt, M. Arrocho
- ↑ Bungesamt für Schtatistik, Vouchszelig 2000
- ↑ Conflicts over Islamic Symbols in European Public Space, von Stefano Allievi, Journal für Konflikt- und Gewaltforschung der Uni Bielefeld, Vol.5, 2/2003.
[ändere] Witeri Links
- Minarett-Strit: Schritt vo beidne Site gfrogt.. (Artikel uf deutsch
- Moschee ohni Minarett: SVP und EDU wänd der Bau mit ere Volksinitiative verhindere, NZZ-Artikel uf deutsch, 3. Mai 2007.
- Leeri Kirche und volli Moschee: Neui Zahle zur Religionszueghörigkeit,NZZ-Artikel uf deutsch, 21. Dezember 2004.
- Artikel über d'Angst vor ere islamische Parallelgesellschaft, Artikel uf deutsch .
- S'Minarett - En Art Siegessüüle; Uusgab 19 / 2007, uf deutsch .
Dr Artikel basiert uf ´ra freie Ibersetzung vum Artikel „Schweizer Minarettstreit“ us dr dytsche Wikipedia. E Lischte mit de dörtige Autore kasch dörte aluege