Schattenmorelle
Us der alemannische Wikipedia, der freie Dialäkt-Enzyklopedy
Technische Yschränkung: Dr koräkt Titel wär: »Schattemorelle« |
D Schattemorelle (Wüsseschaftliche Name: Prunus cerasus ssp acida) isch en Art Suurkirsi. Si ghöhrt in d Familie vo de Rosegwächs (Rosaceae) un isch di am meischte aapflanzti Sorte mit hoche Erträg. De Bomm isch recht aaspruchslos und trait vil Frücht. Beschribe worde isch si s erscht Mol im Joor 1598. Me sait, dr Name käm vom Château de Moreille z Frankriich.
D Frucht isch mittelgross, glänzig, dunkelrot, au s Fruchtflaisch isch rot un recht saftig. Si het e feine süürliche Gschmagg un wird gärn zue Gomfi odr zue Kompott gmacht.