Isolierte Sprache
Us der alemannische Wikipedia, der freie Dialäkt-Enzyklopedy
| Technische Yschränkung: Dr koräkt Titel wär: »Isolierti Sprooch« |
E isoliirte Sproch isch e Sproch wo mit kei andre Sproche genetisch verwandt isch bzw wo sich so e Verwandtschaft lot noochweise. Sproche sin entweder deswege isoliirt wyl alli verwandti Sproche usgschtorbe sin, oder wyl sich d'Sproche dermasse wyt vo enander furt entwiggelt hen dass mer kei Vewandtschaft meh cha noochweise.
D'vylicht bechannteschti isoliirti Sproch isch s'Baskisch, wo d'einzige i Europa isch. Andri isoliirte Sproche sin Koreanisch un Japanisch, allerdings wird e do Verwandtschaft mit de altaische Sproche vermuetet.
S'isch scho oft versuecht worre s'Baskisch mit de kaukasische Sproche i Verbindig z'bringe; allei us däm Grund wyl die au Isolate sin. Dodurch werre vo Sprochwüsseschaftler mangmol voreiligi Schlüss zoge. E andres Byschpil do defür isch dr Versuech alli amerikanische Sproche i ei Sprochfamilie z'klasifiziire, obwohl d'meischte vo dänne Sproche überhaupt nüt mitenander z'tue hen. Isoliirti Sproche ghöre i dr Regel zu keinere Sprochgruppe, mangmol werret verschiedni Sproche aber eifachhalber in e Sprochfamilie klasifiziirt; zum Byspiil d' Paläo-sibirische Sproche wo nüt verwandt sin.
