Höngg
Us der alemannische Wikipedia, der freie Dialäkt-Enzyklopedy
Höngg (im 9.Jh.: Hohinco, Hoinga, Hoenka) isch es Quartier vo de Stadt Züri und befindet sich oberhalb vo de Limet am Hang vom Chäferberg und bildet zäme mit Wipchinge de Kreis 10. Dank de Südhandlag mit Blick über d’Innestadt, de Zürisee und em Limmattal isch Höngg es sehr beliebts mittelständisches Wohnquartier.
En zentrale Platz im Quartier isch de Meierhofplatz. Hie träffet all Verkehrsverbindige vo de VBZ vom Quartier zämme.
Inhaltsverzeichnis |
[ändere] Wappe
I Rot uf grüenem Bode e grüeni Rebe mit drei blaue Trube, wo sich um en goldene Stickel rankt, im Schildhaupt begleitet rächts vo enem silbrige Tatzechrüz, links vo enem Rebmässer mit goldigem Griff. Hönng het als einzigs Quartier i de Stadt Züri no en Wingert.
[ändere] Sehenswürdigkeite
Zu de Sehenswürdigkeite vom Quartier ghört d’reformierti Chile Höngg. Sie isch dank ihrer exponierti Lag vo wit här sichtbar. Unterhalb vo de Chile isch, für’Stadtgebiet ungwöhndlich, en Rebberg. Au isch in Höngg s’erste vom Max Bill realisirti Bauprojekt, wo ihm als Wohn- und Ateliehus dient hät. Ufem Hönggerberg het d ETH en Campus.
[ändere] Gschicht
[ändere] Igmeindig
1934 sind d’Gmeind Höngg und sibe witeri selbsendigi Gmeinde en Teil vo de Stadt Züri worde. Höngg isch in neue Stadtchreis 10 iteilt worde.