Georgi Asparuchow
Us der alemannische Wikipedia, der freie Dialäkt-Enzyklopedy
De Georgi Asparuchow (* 4. Mai 1943 in Sofia, gstorbe am 30 Juli 1971) isch a gueta bulgarischa Schütteler gsi. Är isch vor auem us „Gundi“ bekannt.
[ändere] Läbe
De Georgi Asparuchov, vo siner Ahänger Gundi gnännt, isch im ne Armeviertu vo Sofia, de bulgarische Houptstadt ufgwachse. Sis Debüt i de höchschti bulgarische Spüuklass het er mit 17 gä u het grad as Gou gschosse. Ärr het damaus für de bulgarisch Klub Lewski Sofia gschuttet. Het aber scho i de jäschti Saison wägem Gäud zu Botew Plodiw gwächslet. Nach es paar nit erfougriche Jahr isch är omi zrüg zu Lewski. Vo den an isch är zimlich berüemt cho. 1966 het ers i de Champions League(damaus no "Europapokal der Landesmeister") bis iz Viertusfinau gschafft wonner gäge Benfica Lissabon mit em Topstar Eusebio numme knapp verlore het. Grad derna het er z änziga Gou vo de Bulgare a de WM in Ängland gschosse. 1966 isch er bulgarischa Fussbaumeischter, Torschützekönig, Sportler vom Jahr cho u het no grad de Sowjetarmeepokau gwunne. Är het bis 1971 mehreri nationali Titu gwunne.
1971 isch är unter Alkoholyfluss mit em grösschte Nachwuchstalänt vom bulgarische Fussbau Outo gfahre u tödlich verunglückt mit sim Bifahrer.
No hüt chunnt de Gundi vo de Bulgare sehr verehrt.
